影片
更多
2012-02-24
21 浏览
喺岩岩過去嘅新年，友人送黎咗1合精美的"曲奇四重奏"蝴蝶酥，唔洗3日就比我消滅咗，令我沉醉不已！貪吃嘅我已經忍唔住再到九龍城買咗幾盒放係公司以防不時之需。不久後，送禮嘅友人竟然同我講"原來帝苑酒店嗰啲仲正呀！"令我好好奇到底有幾正！咁岩星期日同屋企人係利苑飲完茶，抱住"睇下係咪咁正"嘅心態，走咗去呢間餅店。去到門外已經見到人頭湧湧，好似真係所言非虛咁，但係又怕要等得耐！幾經爭扎後，終於行咗入去！目視四周後，比我搵到傳說中嘅蝴蝶酥，我即刻拎咗1包去找數。雖然人很多，但啲服務員都好有禮貌咁問我要唔要碌卡，因為會有折。（令我覺得更加抵食！）本身見到啲cake都想買返幾件（因為睇樣都覺得好好味），但係心諗晏啲仲要行街就打消咗呢個念頭。係等緊碌卡嘅時候，有個女人係咁鬧收銀員，雖然我唔知咩事，但係果嗰女人都真係鬧得太過份，係咁話態度唔好要投訴，眼見收銀員不斷講"唔好意思"。(就我黎講帝苑啲服務比起四重奏同文華都係更勝一籌）我覺得佢完全冇自覺係間酒店入面，仲阻住其他人碌卡比錢，真係不知所謂，完全影響晒我買嘢嘅心情！比完錢行咗出酒店，壞心情無礙食慾，即刻到咗試食時間。wow！果然，外脆內酥，又唔會太甜
咁岩星期日同屋企人係利苑飲完茶，抱住"睇下係咪咁正"嘅心態，走咗去呢間餅店。去到門外已經見到人頭湧湧，好似真係所言非虛咁，但係又怕要等得耐！幾經爭扎後，終於行咗入去！
目視四周後，比我搵到傳說中嘅蝴蝶酥，我即刻拎咗1包去找數。雖然人很多，但啲服務員都好有禮貌咁問我要唔要碌卡，因為會有折。（令我覺得更加抵食！）本身見到啲cake都想買返幾件（因為睇樣都覺得好好味），但係心諗晏啲仲要行街就打消咗呢個念頭。係等緊碌卡嘅時候，有個女人係咁鬧收銀員，雖然我唔知咩事，但係果嗰女人都真係鬧得太過份，係咁話態度唔好要投訴，眼見收銀員不斷講"唔好意思"。(就我黎講帝苑啲服務比起四重奏同文華都係更勝一籌）我覺得佢完全冇自覺係間酒店入面，仲阻住其他人碌卡比錢，真係不知所謂，完全影響晒我買嘢嘅心情！
比完錢行咗出酒店，壞心情無礙食慾，即刻到咗試食時間。wow！果然，外脆內酥，又唔會太甜，仲要食到有焦糖嘅香味，真係掂呀！相比起四重奏，佢地嗰啲都好好味，但係就好似硬咗少少，冇咗帝苑嗰種鬆化。而且，最令我驚喜嘅係佢嘅焦糖味，令到成塊餅提升到另一個層次！真係天外有天，人外有人！
不過，佢地得1種size，鍾意食就要買多幾袋lu！
题外话/补充资料：
雖然$98一包得20塊到，但比起四重奏價錢都係更相宜，仲要碌卡有折tim！
(以上食记乃用户个人意见 , 并不代表OpenRice之观点。)
张贴