維多利亞咖啡餐廳 (已結業)

清風街係港島其中一個美食集中地，今日我哋就嚟到搵食。M佬問我維港嘅全稱係咩？咪係維多利亞港囉！佢又問咁維餐呢？我反眼反到去到背脊，可能佢覺得好好笑啦，仲話呢啲係sweet？！Any肥，我哋今日嚟到清風街，揀咗維多利亞咖啡餐廳。辣椒炒蜆辣椒炒蜆新鮮炒起，辣椒醬非常惹味，又無蓋過蜆肉嘅鮮味味，蜆肉大隻厚肉，口感豐富。香蒜辣椒蝦油大蒜意粉香蒜辣椒蝦油大蒜意粉一嚟到就有好香橄欖油味，上面鋪滿好多隻鮮蝦，鮮甜彈牙。意粉入口煙靭，再加埋蒜蓉、辣椒同香草，好香口呀！三文魚扒厚切三文魚扒，分量十足。外面煎到有少少焦，非常香口，裏面仲保持到三文魚嘅魚汁。除咗三文魚扒之外，仲有A姐至愛嘅蘆筍做配菜，一啲都唔馬虎。