餐廳設計走日式居酒屋風格，用木質枱椅同暖黃色燈籠裝飾，牆上有簡單嘅和風畫作。炭火燒爐同抽風系統乾淨有效，食完唔會滿身油煙味，適合小聚或二人世界。
今次嘅榴槤燒肉放題主打馬來西亞D24貓山王榴槤，果肉軟綿，香氣濃郁但唔會過膩，單點已經好滿足。特色菜式係榴槤薄餅，薄餅烤到微軟，夾雜榴槤雪糕，將薄餅輕輕燒軟加上半溶的雪糕，冰涼同溫熱嘅口感交錯，非常新奇。
肉類選擇多，有豬、牛、雞多部位都有。當中個人推介牛舌心。牛舌彈牙，本身醃咗鹽同埋黑椒，簡單又好味。雞翼醃製入味，燒起來香氣十足。生菜包燒肉係另一亮點，生菜新鮮翠綠，爽脆帶甜，包住燒肉食，解膩又健康。
海鮮有帶子、蝦、白鱔。帶子肥美，配蒜蓉牛油烤，香味濃郁。亦會推薦白鱔。
食韓國嘢，點少得辛辣麵。辛辣麵湯底香辣，友人就喜歡爬生蛋伴飯，兩者簡單但有效中和肉類嘅油膩感。
另外飲品汽水、酒精飲品一應俱全。清酒入口順滑，帶米香，配燒肉好夾；梅酒酸甜清新，特別同榴槤薄餅一齊試，果香互相提升，味道好match。仲有紅酒、白酒同啤酒，無酒精飲品如烏龍茶同汽水齊備，滿足唔同口味嘅需要。飲品選擇多，搭配燒肉同榴槤菜式都好合適。食到好飽但一定要試試能得利果汁糖味既雪條，兒時既味道返曬嚟呀！
