影片
更多
2024-06-22
29 浏览
今日去咗天后燒肉屋試新野。 間店嘅地方乾淨企理， 而且經理服務態度好好。 每一次上菜都有同我哋解釋， 呢啲肉係牛嘅邊一個部位， 同埋煎幾耐會最好食。 一坐低就會有前菜同埋醬汁碟畀我哋， 店員都有推 薦韓式辛辣醬同日式燒肉汁 畀我哋， 特別推介前菜菠菜，非常之好食。 一打開個餐牌，就俾A5宮崎和牛稀有牛眼蓋吸引咗， 叫咗一份嚟試下果然冇令人失望，牛嘅肉質十分鮮嫩，而且好多汁， 唔需要多餘嘅調味，就咁食已經好有牛肉嘅香味。 我哋仲叫咗個菠蘿配原條橫隔膜， 全部都係用新鮮菠蘿， 啲新鮮菠蘿好甜又多汁，再加埋橫隔膜嘅肉既彈牙兩個好配！仲有荔枝五花肉， 叫之前估唔到佢咁好食，啲五花肉本身會比較膩，但係加埋清甜嘅荔枝同埋少少辣椒粉，個味道竟然神奇地夾，而且減低咗豬腩肉嘅油膩。叫咗咁多肉我哋都有嗌一個主食同沙律～流心熔岩蛋三文魚蓋飯同蟹將軍薯仔沙律。 個三文魚生熟程度啱啱好唔會太熟搞到好鞋， 而且有沙律醬同飯素，酸酸甜甜，好啱小朋友食。 本身以為蟹將軍薯仔沙律同平時出面食嘅薯仔沙律都係差不多，但係呢一個有驚喜！ 沙律上面配咗啲粟米片， 口感軟綿綿之中又有點鬆脆，出奇地好食！食飯又點可以冇飲品 我哋叫
一坐低就會有前菜同埋醬汁碟畀我哋， 店員都有推 薦韓式辛辣醬同日式燒肉汁 畀我哋， 特別推介前菜菠菜，非常之好食。
一打開個餐牌，就俾A5宮崎和牛稀有牛眼蓋吸引咗， 叫咗一份嚟試下果然冇令人失望，牛嘅肉質十分鮮嫩，而且好多汁， 唔需要多餘嘅調味，就咁食已經好有牛肉嘅香味。
我哋仲叫咗個菠蘿配原條橫隔膜， 全部都係用新鮮菠蘿， 啲新鮮菠蘿好甜又多汁，再加埋橫隔膜嘅肉既彈牙兩個好配！
仲有荔枝五花肉， 叫之前估唔到佢咁好食，啲五花肉本身會比較膩，但係加埋清甜嘅荔枝同埋少少辣椒粉，個味道竟然神奇地夾，而且減低咗豬腩肉嘅油膩。
叫咗咁多肉我哋都有嗌一個主食同沙律～流心熔岩蛋三文魚蓋飯同蟹將軍薯仔沙律。 個三文魚生熟程度啱啱好唔會太熟搞到好鞋， 而且有沙律醬同飯素，酸酸甜甜，好啱小朋友食。 本身以為蟹將軍薯仔沙律同平時出面食嘅薯仔沙律都係差不多，但係呢一個有驚喜！ 沙律上面配咗啲粟米片， 口感軟綿綿之中又有點鬆脆，出奇地好食！
食飯又點可以冇飲品 我哋叫咗杯 百香果撞橙冰同紅火龍果佛手柑熊茶， 百香果杯嘢飲酸酸甜甜，好清爽 ，好解膩。 而紅火龍果佛手柑熊茶 ，隻熊仔冰好有心思好啱打卡， 而且飲落去嘅口感好似食緊啫哩咁，系一種新奇既體驗。
整體嚟講今次食飯嘅體驗十分良好 ，首先嘢食質素良好啦，店員經理服務嘅態度都好專業， 同埋最緊要佢個爐嘅抽風系統同埋加熱做得好好， 可以好快烹調完同埋唔會令到成身有煙味！like🌟
张贴
