華姐清湯腩

营业中

休息中

本身唔熟你嗰邊嘅地方，唔知道天后有啲乜嘢好食而又唔係要等好耐，最後搵到呢間華姐清湯腩，知道係一間好出名嘅牛腩飯店，所以決定一定要試一試啦。叫咗清湯腩菜飯，首先見到有菜飯已經覺得係好驚喜，因為唔係好多地方有得食菜飯。清湯腩同埋蘿蔔嘅份量都好多，一啲都唔孤寒，個飯都撞到好滿，相信男士都會夠飽。講個味道先,清湯腩煮得好淋,入口有溶化嘅感覺,但又唔會諗都冇晒口感,好啱我嘅口味。蘿蔔糕清甜,而且冇渣,呢樣野好重要呀！因為好多地方嘅蘿蔔都好多咋。清湯入口舒服,:龍嘅味精感覺。再講下辣椒油先，食清湯腩點可以冇辣椒油呢？呢度嘅辣椒油夠辣又夠香，加埋蘿蔔一齊食就絕配啦。而最重要嘅係喺天后附近$58就食到一個清湯牛腩飯，我覺得都幾抵呀。