叁不館

营业中

休息中

今日約左一班好耐無見既舊同事食飯，佢地見我 肥頭耷耳一睇就知食神上身，叫我介紹間餐廳食飯，我見之前去過天后打邊爐，食物都唔錯，所以介紹佢地來到電器道既叁不館食火鍋。叁不館裝修懷舊風格，摺檯同木櫈似去左大排檔一樣，打邊爐最緊要新鮮，而呢度既牛肉都唔錯，我地叫左封門柳，原來封門柳位於牛的橫膈膜的肌肉，其肉質鬆軟，不易變韌，而且牛肉味極為濃郁，推薦你地一定要叫來試下。另外醉雞件我都推薦大家叫來食， 每件雞都 有濃郁嘅酒香味，件件都好好肉架, 食完曬個有酒既雞汁直接倒埋落個鍋，真係酒香撲鼻呀。今晚過左有講有笑既開心晚上，一邊用戰鬥碗飲住大啤，一邊食住美味既晚餐，仲要Rick哥贏馬請食飯，等我下次諗定去邊間再食啦！