碗盛 (已結業)

asahi beer: 好純，易入口。店員推介梅酒-辣梅酒：同平時既梅酒有唔同，每一啖飲完都會有辣味after taste，感覺幾特別。明太子汁蛋卷：明太子係我最愛，蛋卷都唔例外，而且仲好夾。入口質地好鬆軟，好好味!!!!麻醬棒棒雞沙律：選用鹿兒島雞肉，比平時食開嘅滑，食到啖啖肉同份量唔少，加埋麻醬更正。串燒-燒白鱔,燒雞皮,燒雞腎,燒牛舌：朋友叫的燒雞皮，第一次食好脆口，而且唔會有油膩感，好食。其餘三樣都唔錯，火喉控制得好，送酒一流黑豚煙肉：肉質比較硬身，點上芥辣再夾埋面上既配菜一齊食 幾香口。火炙牛小排拉麵：牛肉肉質岩岩好，易入口同有牛味。湯底係無味精但夠濃，真材實料。