影片
更多
2024-07-16
112 浏览
見到舖頭唔係開咗幾耐，啲裝修又有特色，於是乎就約埋男朋友諗住過嚟嘗鮮。其實佢嘅位置都好容易搵到，附近都好多甜品舖，可以一次過食幾餐。食完之後第一個感想就係啖啖都係肉，邪惡得嚟令到人感覺都好滿足。‣ 蜜桃烏龍熊茶 $58我個人勁鍾意蜜桃烏龍茶，特別係佢面頭上嗰隻熊仔，令到杯嘢飲加咗唔少分。你飲嘅時候都好明顯飲到蜜桃嘅甜，中和到茶底嘅澀，搭配埋燒肉一齊飲相當之解膩。‣ 北海道芒果牛乳乳酸 $48個杯見到嘅時候覺得好靚，下面係好似星空咁樣嘅設計，一開始冇為意仲喺到諗緊點解我我不斷攪勻，但係杯嘢飲嘅層次都仲係咁分明😂。自己本身都好鍾意芒果製品，上枱嗰陣驚牛奶味太重，但係最後發覺都平衡得好好，酸酸地一樣唔會好膩。‣ 爽脆白鱔片／燒鰻魚 $138我自己超級鍾意食鰻魚，平時都比較少見有得自己燒，所以見到嘅時候覺得幾得意就嗌嚟試吓。上枱嘅時候覺得塊鰻魚都幾厚身，第一次燒嘅時候燒得燶燶哋，嗰時心諗大鑊燒得好差，但係最後發覺燒得燶燶地嗰陣味，竟然有啲似喺日本食到嘅鰻魚！個人建議燒燶啲，越燶好食，而本身個鰻魚都好新鮮，食嘅時候真係好有滿足感。‣ 四味五花肉 $188講起五花肉就要講佢啲前菜，佢之前菜入邊我最
‣ 蜜桃烏龍熊茶 $58
我個人勁鍾意蜜桃烏龍茶，特別係佢面頭上嗰隻熊仔，令到杯嘢飲加咗唔少分。你飲嘅時候都好明顯飲到蜜桃嘅甜，中和到茶底嘅澀，搭配埋燒肉一齊飲相當之解膩。
‣ 北海道芒果牛乳乳酸 $48
個杯見到嘅時候覺得好靚，下面係好似星空咁樣嘅設計，一開始冇為意仲喺到諗緊點解我我不斷攪勻，但係杯嘢飲嘅層次都仲係咁分明😂。自己本身都好鍾意芒果製品，上枱嗰陣驚牛奶味太重，但係最後發覺都平衡得好好，酸酸地一樣唔會好膩。
‣ 爽脆白鱔片／燒鰻魚 $138
我自己超級鍾意食鰻魚，平時都比較少見有得自己燒，所以見到嘅時候覺得幾得意就嗌嚟試吓。上枱嘅時候覺得塊鰻魚都幾厚身，第一次燒嘅時候燒得燶燶哋，嗰時心諗大鑊燒得好差，但係最後發覺燒得燶燶地嗰陣味，竟然有啲似喺日本食到嘅鰻魚！個人建議燒燶啲，越燶好食，而本身個鰻魚都好新鮮，食嘅時候真係好有滿足感。
‣ 四味五花肉 $188
講起五花肉就要講佢啲前菜，佢之前菜入邊我最鍾意嘅係蘿蔔，超級入味，而且煮到好腍，最正係可以無限添加。其次可以無限添加嘅就係生菜，搭配住啲肥美嘅五花肉食真係一流。佢有四隻味道：黑椒鹽、韓式醬汁、蔥蒜同埋果味醬汁，我個人最鍾意係果味醬汁，男朋友就覺得韓式醬汁配埋生菜好夾。本身佢啲肉質都好嫩滑，加埋啲邊位油花燒到有焦香味，超級誘人😋。食嘅時候覺得個份量真係多，超級抵食同埋過癮。
‣ 厚切A5和牛粒三拼 $388
第一次見到牛眼蓋，覺得好有趣，好想試吓咩味。咁啱見到拼盤特價，咁就即刻嗌嚟試吓。拼盤包A5宮崎雪花和牛粒、和牛稀有牛眼蓋同厚切牛舌。和牛粒就好香好嫩，食得出和牛嘅油香味，完全唔使點任何醬汁都好正。牛眼蓋第一次食覺得有啲煙韌，好香牛味，都幾唔錯。至於佢嘅牛舌係真係相當之厚切，我哋用鉸剪剪咗好多刀分細佢，牛舌煙韌得嚟相當之好食，鍾意食牛舌嘅千祈唔好錯過。
张贴
