影片
更多
2023-01-03
172 浏览
輕時光 Take Your Time📍天后電氣道83號利景閣地下1號舖呢日同朋友去咗天后，行到有啲渴，於是決定見到咩就飲咩。我哋見到呢間門面幾靚嘅手搖店，而且主打Yogurt，加上係用全水果製作，感覺又清新又健康，所以就買咗兩杯嚟試吓！係睇緊餐牌揀咩飲之際，店員好有禮貌咁主動介紹熱門嘅產品，於是我哋按佢推介揀咗一杯，優格果昔同優格蓋茶。 💰$40草莓優格果昔 🍓🥛一向好鍾意飲milkshake嘅我，當然就係揀最經典嘅士多啤梨味啦！佢同一般飲到嘅唔同，甜度唔假，飲到好新鮮嘅士多啤梨味。雖然奶味無奶昔咁重，但係多咗一種Yogurt嘅濃厚感，飲落無咁膩，比起一般嘅奶昔清新得多！兩杯比較之下，我比較鍾意呢杯優格果昔，除咗口味比較濃郁之外，佢亦更加適合打卡，顏色好少女好夢幻！ 💰$40藍莓優格蓋茶 🫐🧋朋友覺得食Yogurt一定最夾藍莓，所以就揀咗呢杯藍莓優格蓋茶，見着店員用好多新鮮嘅藍莓打汁，再揀咗桂花烏龍早茶底。雖然睇落同奶蓋茶無分別，但其實雙層嘅係Yogurt嚟㗎 ！我哋揀咗半糖正常冰，飲落甜度適中，除咗飲到烏龍茶香味，仲會食到藍莓籽同飲到清新嘅藍莓味，係前所未有嘅感覺，好特別！雖然只係行
📍天后電氣道83號利景閣地下1號舖
呢日同朋友去咗天后，行到有啲渴，於是決定見到咩就飲咩。我哋見到呢間門面幾靚嘅手搖店，而且主打Yogurt，加上係用全水果製作，感覺又清新又健康，所以就買咗兩杯嚟試吓！
係睇緊餐牌揀咩飲之際，店員好有禮貌咁主動介紹熱門嘅產品，於是我哋按佢推介揀咗一杯，優格果昔同優格蓋茶。
[價錢 Price]
💰$40
草莓優格果昔 🍓🥛
一向好鍾意飲milkshake嘅我，當然就係揀最經典嘅士多啤梨味啦！佢同一般飲到嘅唔同，甜度唔假，飲到好新鮮嘅士多啤梨味。雖然奶味無奶昔咁重，但係多咗一種Yogurt嘅濃厚感，飲落無咁膩，比起一般嘅奶昔清新得多！
兩杯比較之下，我比較鍾意呢杯優格果昔，除咗口味比較濃郁之外，佢亦更加適合打卡，顏色好少女好夢幻！
[價錢 Price]
💰$40
藍莓優格蓋茶 🫐🧋
朋友覺得食Yogurt一定最夾藍莓，所以就揀咗呢杯藍莓優格蓋茶，見着店員用好多新鮮嘅藍莓打汁，再揀咗桂花烏龍早茶底。雖然睇落同奶蓋茶無分別，但其實雙層嘅係Yogurt嚟㗎 ！我哋揀咗半糖正常冰，飲落甜度適中，除咗飲到烏龍茶香味，仲會食到藍莓籽同飲到清新嘅藍莓味，係前所未有嘅感覺，好特別！
雖然只係行過隨便揀嘅一間手搖店，但我哋都絕對會再encore，佢仲喺中環有一間分店，有興趣嘅可以去試吓！
张贴
