Uptop Bistro and Bar (已結業)

作為香港嘅一位女性，最鍾意嘅時候就係晴天去食下午茶。今次嚟到尖沙咀一間精品酒店嘅天台，試嘅就係一個摩天輪下午茶。我哋好好彩坐到一個靠窗邊嘅位置，服務員嘅態度非常友善，亦都有推介可以上樓上天台度享用下午茶，不過我哋都係選擇係室內，望住窗邊嘅維港景，享受下午茶。下午茶嘅摩天輪真係好靚，啱晒鍾意打卡嘅大家。特別鍾意佢哋嘅炸雞粒，即叫即炸非常香口，另外佢哋嘅迷你漢堡包都好可愛，唔會因為佢迷你而失去左漢堡包應該有嘅材料，得閒約埋三五知己再去食過！