天仁茗茶 (已結業)

日日三十度，食Lunch時間根本就唔想離開冷氣房，但好不幸帶飯或者無叫外賣，就只可以出街搵食，刺眼烈日之下，最好就係飲番杯消暑凍飲。天仁茗茶呢間野，係銅鑼灣一定多人識，因為誠品丫嘛，但係去到灣仔就多對手囉，不過天仁都係贏晒，唔係贏大件抵食，而係飲落真係好味。小弟品茗多年，對於茶都有一定研究，唔靚既茶點沖都係唔好飲，靚茶沖得唔好就仲衰。通常就外賣茶品既舖頭，沖出黎既茶味一向都唔夠，至在用其他調味好似果漿或者奶粉去增味。之前係誠品叫過一杯蜂蜜綠茶，茶味清而不散，回甘入喉且在鼻腔有一陣陣淡茉莉香，感覺唔係一般香精可以做到。今次就係灣仔呢間分店叫左杯香橙綠茶，試下佢地手勢如何。買飛時我前面有3個人，落單都好完成到我，而等茶時至少十個人係度等緊，除左係一次叫好幾杯，通常叫一杯既客人都係等三分鐘就會叫到一個號碼，我自己都係等左五至六分鐘就有。杯香橙綠茶唔係用橙粉開，因為橙粉開既會好甜，入口有橙肉，未能肯定係鮮榨定濃縮還原，但至少肯用比較好既原料去做茶，加分。茶味依舊，做得非常有層次，無因為燈既清甜蓋過綠茶既清香，入口由初初既橙甜味，好快就變左帶茉莉香既綠茶味，茶底味道分得好清楚，橙味沿口腔上鼻，而