影片
更多
2020-01-27
27 浏览
還有不足一個星期就是新年，所以近排特別多飯局，這晚就應友人邀約來旺角吃團年飯。友人向來口味西化，本來還以為又係揀咗去食西餐，沒想到今次友人非常識做，懂得照顧大家口味，選了來這間「天下糧倉」吃火鍋放題。店舖面積不大，但椅桌排列得不算密麻，加上通道闊落，所以感覺都幾舒服。由於友人一早已經訂咗檯，所以到步後便可以即時入座。今次我哋揀咗兩小時任飲任食「究極和牛放題」，價錢比預期經濟，每位只是 $198， 不過如果星期五六日公眾假期及前夕到訪，就要每位加收 $13，另外仲有醬料費每位 $13 及加一服務費。鍋底方面，其實個套餐已經預設為潮汕牛骨湯底，不過客人亦可以自選湯鍋，有重慶翡翠綠麻辣、超濃蕃茄湯、皮蛋芫茜湯、經典沙嗲湯、粟米豬骨湯等可供選擇。趁湯底未滾，先外出取飲品，順便混醬。醬料共有 10 款，客人可根據個人喜好自行調製。飲品櫃旁邊放有兩個大凍櫃，入面擺放了不少火鍋配料，有丸類，蔬菜，響鈴、豆卜等，全部都可以任取任食。至於主角任食肉類方面，就一共有七款可供選擇，當中包括有 M5 澳洲和牛肩小排、手切封門柳、安格斯牛肩胛、Prime 牛板腱、金錢𦟌、一級肥牛及黑毛豬。M5 和牛肩小排賣相非
還有不足一個星期就是新年，所以近排特別多飯局，這晚就應友人邀約來旺角吃團年飯。友人向來口味西化，本來還以為又係揀咗去食西餐，沒想到今次友人非常識做，懂得照顧大家口味，選了來這間「天下糧倉」吃火鍋放題。
店舖面積不大，但椅桌排列得不算密麻，加上通道闊落，所以感覺都幾舒服。由於友人一早已經訂咗檯，所以到步後便可以即時入座。
今次我哋揀咗兩小時任飲任食「究極和牛放題」，價錢比預期經濟，每位只是 $198， 不過如果星期五六日公眾假期及前夕到訪，就要每位加收 $13，另外仲有醬料費每位 $13 及加一服務費。
鍋底方面，其實個套餐已經預設為潮汕牛骨湯底，不過客人亦可以自選湯鍋，有重慶翡翠綠麻辣、超濃蕃茄湯、皮蛋芫茜湯、經典沙嗲湯、粟米豬骨湯等可供選擇。
趁湯底未滾，先外出取飲品，順便混醬。醬料共有 10 款，客人可根據個人喜好自行調製。
飲品櫃旁邊放有兩個大凍櫃，入面擺放了不少火鍋配料，有丸類，蔬菜，響鈴、豆卜等，全部都可以任取任食。
至於主角任食肉類方面，就一共有七款可供選擇，當中包括有 M5 澳洲和牛肩小排、手切封門柳、安格斯牛肩胛、Prime 牛板腱、金錢𦟌、一級肥牛及黑毛豬。
M5 和牛肩小排賣相非常吸引，不但肉色鮮豔，而且雪花分佈平均；放入湯內輕灼幾下已經可以享用，肉質細嫩軟腍，入口充滿脂香。另外安格斯牛肩胛亦很有水準，肉味濃香又無渣，是回本之選。整體來說，這個火鍋放題，價錢合理，牛肉亦很有質素，絕對適合牛魔王幫襯！
张贴
