大龍鳳 (已結業)

是日去PMQ , 行到攰，見到有宣傳海報話有蝦多士和西多士，於是就上咗去食。間嘢叫大龍鳯，我地叫咗1個西多，2個蝦多士，3杯青檸梳打，2個丁麵（1豬扒&1雞翼）和1壺菊花茶。等咗30mins ，聽到侍應話，佢地未走呀河？我心想：再唔嚟我就真係走😒 !去催佢，佢就話等多20mins ！...........好啦，等多15mins , 先嚟1個西多，2個蝦多和3杯青檸梳打....頂，個西多無花生醫既，唔通扮高級好似啲酒店咁做French Toast?! 好啦我覺得冇牛油，就問佢攞，點知佢話間嘢無牛油。曲街，佢收我$32蚊啊，資素咁差 ......蝦多士得1隻蝦，睇黎呢間野係想做分子料理，實行做一口蝦多士，真係寫個服字俾佢！跟着出場嘅係青檸梳打。點知冰到冇粒，暖嘅，青檸又冇味，覺得自己飲緊梳打水 !嘩丁麵等咗差唔多成粒鐘終於黎啦，其實即食麵點解可以咁神奇煮一個鐘呢？原來啲staff係度吹水唔該哂喎！😒 啲麵都算可以，不過豬扒乾到皺皮...菊花茶飲完，諗著加水，佢同我講未煲水！俾佢吹脹...