蝦麵店 (海光街) (已結業)

唔經唔覺困在香港冇出去旅行差唔多2年了，突然好想食喇沙，於是上網揾到呢間就過黎試下😚😊店內環境乾淨企理，坐位唔算迫，餐牌清楚易明，而且採用手機落單非常方便。☝一人套餐有一碗麵，一個小食及飲品@辣味蝦湯蝦肉肉骨麵～湯底充滿濃郁蝦味，蝦肉爽口彈牙，肉骨夠林又入味。跟餐有2串沙嗲雞肉串，沙嗲醬係用粗粒花生制成，雞肉嫩滑@咖哩喇沙海鮮麵～咖哩同喇沙比例啱啱好海鮮好足料，包括有蝦，青口，魷魚翼，蟹柳 ，腐角小食揀左炸豆腐卜，上面加層五香粉，香脆可口，加上份量仲好多添😋😋😋@由於好奇什麼叫魷魚翼，所以叫左碟試試，原來係魷魚三角形部份，每隻只有一個，加埋沙嗲醬，炸蒜片，蔥花，好食到停唔到口😊😊😊