影片
更多
2022-07-15
371 浏览
慢咗幾拍先去Between打卡📸一開嘅時候好多人，怕排隊去唔到。之後又醒唔起呢間餐廳。今日想去大館行吓，終於有機會去試啦！中午用餐時間有限2小時，都好足夠。餐牌同落單都係靠自己掃QR code，方便快捷。清水及餐具都要自己出去攞，餐廳員工只付責上菜同收碟。咁樣有好有唔好，好就係唔使等，自己嚟；唔好就係如果一次過攞唔晒D嘢就要行出行入，口罩又要戴又要除幾次。蕃茄大蝦意粉🍝好好味😋 al dente意粉掛滿香濃新鮮嘅蕃茄汁，蝦肉大大隻又彈牙，十分有水準。鰻魚飯就令人有啲失望，因為鰻魚唔係太新鮮。雖然份量頗多，飯入面亦加左飯素，口味豐富，不過我唔會推介。炸雞同薯條都係即叫即炸，上枱時仲係熱辣辣。炸雞外脆內軟，滋味多汁，唔沾沙律醬都好食。Iced Chocolate 好濃，不過會飲到朱古力粉味。Iced Latte 咖啡香滑，冇酸味同苦澀味，我鍾意❤️Piccolo 用嘅咖啡豆好特別，好香醇，如果鍾意濃口味的話就啱晒！開頭我都十五十六，唔知嗌唔嗌Strawberry Sando 好。因為我見到好似好多cream ，怕會好滯。不過原來D cream 係cream cheese，食落口似strawb
中午用餐時間有限2小時，都好足夠。餐牌同落單都係靠自己掃QR code，方便快捷。清水及餐具都要自己出去攞，餐廳員工只付責上菜同收碟。咁樣有好有唔好，好就係唔使等，自己嚟；唔好就係如果一次過攞唔晒D嘢就要行出行入，口罩又要戴又要除幾次。
蕃茄大蝦意粉🍝好好味😋 al dente意粉掛滿香濃新鮮嘅蕃茄汁，蝦肉大大隻又彈牙，十分有水準。
鰻魚飯就令人有啲失望，因為鰻魚唔係太新鮮。雖然份量頗多，飯入面亦加左飯素，口味豐富，不過我唔會推介。
炸雞同薯條都係即叫即炸，上枱時仲係熱辣辣。炸雞外脆內軟，滋味多汁，唔沾沙律醬都好食。
Iced Chocolate 好濃，不過會飲到朱古力粉味。Iced Latte 咖啡香滑，冇酸味同苦澀味，我鍾意❤️Piccolo 用嘅咖啡豆好特別，好香醇，如果鍾意濃口味的話就啱晒！
開頭我都十五十六，唔知嗌唔嗌Strawberry Sando 好。因為我見到好似好多cream ，怕會好滯。不過原來D cream 係cream cheese，食落口似strawberry cheesecake 加兩塊麵包，都幾得意。
總括嚟講，如果想喺個靚靚環境，輕輕鬆鬆咁食一餐，Between 係一個唔錯嘅選擇。
15 浏览
0 赞好
0 留言
12 浏览
0 赞好
0 留言
20 浏览
0 赞好
0 留言
22 浏览
0 赞好
0 留言
11 浏览
0 赞好
0 留言
17 浏览
0 赞好
0 留言
张贴
