影片
更多
2021-03-06
308 浏览
呢間日系cafe自從幾個月前進駐中環大館之後久唔久都會見到佢既食評出現，搞到我都心思思😝一月底見到公司附近既吉舖搭起圍板，無耐再見到招牌得知灣仔呢度將會係佢地既第二間店，已經好期待🤩 每日經過見到店員係店內整理同測試營運，等足成個月終於等到佢地開業，係灣仔工作既咖啡友☕️以後又可以有多一個選擇啦😆灣仔店呢度同樣有三文治🥪、麵食🍝、小食🍟同甜品🥧供應，可惜由於店內空間較少座位有限🪑(只有8張雙人檯同中央既木圓凳)，食物同飲品相對無大館個邊有咁多選擇😣.為左試勻呢度既食物🍴，開業當日同同事幫襯完隔左一日之後二訪，兩日都係大約1點去到唔洗點等位，不過過左十零分鐘就見到門口排左一條人龍👭👭，如果大家晏晝黎堂食建議1點前到就最穩陣😌雖然係新開業，cafe出餐都好有效率，落單後5分鐘order已經到齊，男店員👦🏻聽到我既讚嘆之後有禮貌地笑住回左聲多謝；而落單時收銀處既女店員👱🏼♀️亦好有耐性咁解答我既問題，令人感覺呢度既店員們都好友善同親切☺️👍🏻******************************✨ 牛奶麵包多士 / 牛油果 / 日式飯素 / 日本雞蛋🥑🍞 ($68)多士經過烘烤四邊微脆，麵
呢間日系cafe自從幾個月前進駐中環大館之後久唔久都會見到佢既食評出現，搞到我都心思思😝一月底見到公司附近既吉舖搭起圍板，無耐再見到招牌得知灣仔呢度將會係佢地既第二間店，已經好期待🤩 每日經過見到店員係店內整理同測試營運，等足成個月終於等到佢地開業，係灣仔工作既咖啡友☕️以後又可以有多一個選擇啦😆
灣仔店呢度同樣有三文治🥪、麵食🍝、小食🍟同甜品🥧供應，可惜由於店內空間較少座位有限🪑(只有8張雙人檯同中央既木圓凳)，食物同飲品相對無大館個邊有咁多選擇😣.
為左試勻呢度既食物🍴，開業當日同同事幫襯完隔左一日之後二訪，兩日都係大約1點去到唔洗點等位，不過過左十零分鐘就見到門口排左一條人龍👭👭，如果大家晏晝黎堂食建議1點前到就最穩陣😌
雖然係新開業，cafe出餐都好有效率，落單後5分鐘order已經到齊，男店員👦🏻聽到我既讚嘆之後有禮貌地笑住回左聲多謝；而落單時收銀處既女店員👱🏼♀️亦好有耐性咁解答我既問題，令人感覺呢度既店員們都好友善同親切☺️👍🏻
******************************
✨ 牛奶麵包多士 / 牛油果 / 日式飯素 / 日本雞蛋🥑🍞 ($68)
多士經過烘烤四邊微脆，麵包體軟熟仲甜甜地😋
不過牛油果醬🥑仔細品嚐味道明顯帶點酸，估計係為左要預防氧化白醋落得重手左；好在上面仲有蛋黃醬同飯素既味道幫補，都不至於令人覺得味道奇怪既🤔
溫馨提示⚠️: 牛油果醬係厚厚咁搽滿成塊多士而且份量唔少，咁多優質脂肪真係要同人開心share食至得🤣
-
✨日本雞蛋 / 細香蔥 / 蛋黃醬🥚🍞 ($58)
半熟蛋既蛋白嫩滑，蛋黃溏心效果不錯，雞蛋上面落左少少粗鹽粒令到雞蛋🥚既鮮甜味更加突出🌟
平時坊間食到既蛋黃醬都係比較乾，呢度既蛋黃醬就質感幼滑，仲夾雜唔少蛋白粒同埋蔥花所帶黎既蔥香
估唔到呢份三文治只有平平無奇既雞蛋，兩款唔同既製法夾埋一齊食又幾過癮😳
-
✨ 吉列雞扒 / 椰菜絲 / 海帶蛋黃醬🐔🍞($68)
新鮮炸起既吉列雞扒香脆得黎仲鮮嫩多汁，三文治內鋪上口感爽脆既椰菜絲，食完無太大既油膩感👍🏻
雖然海帶蛋黃醬食唔出海帶既味道，感覺同普通蛋黃醬無咩分別，不過三文治有蛋黃醬既加持，食落惹味絕對係毋庸置疑既😌
個人認為兩款三文治都各具特色質素不分高低，再訪都好大機會encore佢地😆
-
✨ 蘑菇 / 意粉 / 日式醬油 / 日本雞蛋 / 鰹魚乾🍝 ($158)
意粉以蘑菇濃湯作為醬汁充滿顆粒感，用左日式醬油同鰹魚乾🐟磨成既粉末作調味，食落比西餐廳食到既蘑菇汁更健康，亦額外多左一份鮮味😋
蘑菇同本菇🍄都幾足料，加埋溫泉蛋🥚既蛋液，成客意粉可以話係百分百天然，不過對於重口味人士黎講可能就會覺得清淡🤣
意粉食落都幾彈牙，實際份量比望落既多，兩個女仔點份三文治加客意粉share都夠食👯♀️，只係個人認為呢個價錢係同區西餐廳已經可以食到一個午餐，略為有d貴🤫
-
✨ 日式抹茶雪糕三文治 / 紅豆蓉🍨 ($38)
雪糕🍦口感濃厚，抹茶🍵味道唔假而且都幾濃郁，不過就唔太有回甘🧐
至於抹茶既好朋友紅豆蓉粒粒都咁飽滿，綿密得黎又唔會煮到過爛或過生，加上鬆脆既花型威化餅🌼，食半個已經覺得好滿足☺️
-
✨ 8oz Milk Coffee☕️ ($45)
呢度既咖啡已經係double shot，特別既係無論客人揀鮮牛奶/椰子奶/杏仁奶/豆奶/燕麥奶🥛都唔需要額外加錢，只有凍飲先要加返兩蚊✌🏻
Cafe選用既咖啡豆綜合左洪都拉斯同埃塞俄比亞兩個地方既豆，根據店員既介紹，呢款豆既果酸同回甘味會比較均衡飽滿，如果大家唔怕果酸味重既話亦可選擇加5蚊轉用精品咖啡豆💁🏻♀️，不過個款豆既回甘就無咁明顯🧐
兩次黎呢度飲既都係latte，試過燕麥奶🌾但因為植物奶缺乏奶脂，奶泡空氣感較重做唔到細緻順滑既口感，咖啡風味亦唔突出，只能飲到輕微既花香味；第二次就揀返全脂奶🐄，奶泡幼滑，咖啡既花香味亦非常討好，個人幾喜歡呢款豆既風味，建議大家如果唔係對奶製品敏感既最好都係揀全脂奶黎試☺️
-
✨ 特濃朱古力🍫 ($45)
呢度既熱朱古力有牛奶朱古力/特濃朱古力/精選朱古力3款，當日同事點左特濃朱古力我就黐左一啖黎試🤣
個人認為朱古力味夠晒濃郁唔會太苦或太甜，不過就略嫌泡沫太多影響口感🤭******************************
👧🏻人均消費：$150-$160
😋味道指數：3.8/5
💰抵食指數：2.8/5
🪑環境指數：3.5/5
💁🏻♀️服務指數：4/5
👍🏻再訪指數：3.8/5
-
📍Between
地址：灣仔皇后大道東248號陽光中心地下G3-G4號舖
⏰營業時間：08:00–18:00 (Mon–Sun)
张贴
