新南苑私房菜火鍋鷄煲 (華僑商業中心) (已搬遷) 新店位置

朋友提議食火鍋放題。 我就想推介呢間新南苑海鲜火鍋，因為之前食過都好滿意。呢到可以加錢享用貴賓房，就玩得更盡興，上次同朋友係開生日party有book到房，但今次就冇啦。呢度D火鍋雞煲最出名，仲有職員為顧客即炒鷄煲，炒焗煮三次，仲加埋D油炸鬼。嘩！雞煲非常入味，但稍嫌隻雞有點皮厚無大快朵頤。雞煲食一轉唔夠？呢到係可添加，可以食個夠。而我最喜歡嘅係海鮮火鍋放題，湯底選了蟹窩花甲湯，相當滋味！食物也是新鮮款色多，有蟶子、生蠔、海蝦，又有鲍鱼、帶子、大蜆，及龍躉片、脆鲩片和手切牛頸脊，色色俱備，一讚呢碟牛，牛香肉嫩，十分推介，唔夠食的話仲有任食配料可任叫，而且汽水、果汁、涼茶任飲添！另有醬料，蔬菜自助任加，初頭仲諗冇菜食，原來係自助形式，都幾多款式。食到尾仲有贈送甜品，份外窩心。呢到價錢合理，推介比朋友黎食都讚好，下次想火鍋雞煲放題黎呢到不失為個好選擇。