漁屋日本料理 (荃新天地2) (已結業)

前幾日同朋友去行街shopping ，行左成日又攰又餓，就想大食特食，咁好狀態緊係去食放題啦！因為我地冇book枱，又係星期六7點左右，都幾多人等位，心諗應該幾好食，等左15分鐘左右就有位了！二人枱黎講都算幾大，唔會太逼，枱同枱之間嘅空間都夠，唔似其他連行都行唔到，出出入入阻到人地就唔係咁好嘛！同一般放題一樣，將野食分哂類，我地急不及待將每都款都叫啲，啲單都跟得唔錯，冇乜漏單！我個唔太中意食火灸壽司個陣味嘅朋友，都覺得好好味喔！火灸三文魚燒得剛好，入口即溶嘅感覺叫人一再回味！冷面份量正常，唔會太多或太少，有啲蟹柳絲、玉子同埋青瓜絲喺上面。之後就係燒物啦，雞粒好juicy ，黎到嘅時候仲係辣口！再之後就到牛柳粒喇。如果係中意食芝士啊朋友一定要叫一口芝士，因為佢芝士味真係好濃郁，咩芝士我就唔識分，但佢炸到外皮金黃色，外脆內軟嘅感覺真係食過返尋味！不過少食多滋味，多食就有啲膩啦！不得不堤呢度嘅天婦羅！大大件！粉唔多，食落唔會成口粉！夠原汁原味，表皮鬆脆，內裡肉汁豐富！