影片
更多
2020-10-29
42 浏览
話說大食妹捉左我去同佢試呢間 Hand3ag 三文治。呢間位於K11地鐵站出口的韓國食店，我已經路過左N咁多次，其實唔止賣三文治，但佢嘅三文治真係好出位，所以係必定要用黎影相同試食挑戰，點解？因為佢嘅三文治同日本「炒麵三文治」如出一轍，係「澱質質大戰澱粉質」！ 🥪歐陸監獄鐵板三文治 HK$54🇮🇹呢款走意式風情，內有「蕃茄醬意式肉丸➕通心粉➕薯餅➕生菜絲➕煎蛋」，口感有脆有軟，味道以蕃茄醬為主調，加上通心粉嘅軟滑口感，食落真係好複雜。🤓食三文治食到好似食緊意大利菜咁，岩哂d懶人趕時間，簡直係「會走路的意式肉丸通心粉」，就算趕返工都可以享受的美食。🥪叉燒拉麵鐵板三文治 HK$56🇯🇵呢款仲更加離哂大譜，佢內有「味噌醬油➕日式叉燒➕拉麵條➕雞蛋➕紫椰菜絲」🤣喂喂喂？咩事？點解個三文治入面會放左碗拉麵係裡面架？？？ 食落去嘅味道係味噌叉燒拉麵一樣。以咸甜味噌醬汁拉麵味為主調，叉燒反而係其次，好新穎嘅配搭😌呢款又係嚇到小弟目定口呆，挑戰左我對三文治嘅基本認知，原來拉麵係可以用來做餡料，我又上左寶貴嘅一課，佢係「會走路的日式拉麵」。🥪大隻水手鐵板三文治🇺🇸HELLO 🧐乜食菠菜🥬果個唔係叫大力水
呢間位於K11地鐵站出口的韓國食店，我已經路過左N咁多次，其實唔止賣三文治，但佢嘅三文治真係好出位，所以係必定要用黎影相同試食挑戰，點解？
因為佢嘅三文治同日本「炒麵三文治」如出一轍，係「澱質質大戰澱粉質」！
🥪歐陸監獄鐵板三文治 HK$54
🇮🇹呢款走意式風情，內有「蕃茄醬意式肉丸➕通心粉➕薯餅➕生菜絲➕煎蛋」，口感有脆有軟，味道以蕃茄醬為主調，加上通心粉嘅軟滑口感，食落真係好複雜。🤓
食三文治食到好似食緊意大利菜咁，岩哂d懶人趕時間，簡直係「會走路的意式肉丸通心粉」，就算趕返工都可以享受的美食。
🥪叉燒拉麵鐵板三文治 HK$56
🇯🇵呢款仲更加離哂大譜，佢內有「味噌醬油➕日式叉燒➕拉麵條➕雞蛋➕紫椰菜絲」🤣
喂喂喂？咩事？點解個三文治入面會放左碗拉麵係裡面架？？？ 食落去嘅味道係味噌叉燒拉麵一樣。以咸甜味噌醬汁拉麵味為主調，叉燒反而係其次，好新穎嘅配搭😌
呢款又係嚇到小弟目定口呆，挑戰左我對三文治嘅基本認知，原來拉麵係可以用來做餡料，我又上左寶貴嘅一課，佢係「會走路的日式拉麵」。
🥪大隻水手鐵板三文治
🇺🇸HELLO 🧐乜食菠菜🥬果個唔係叫大力水手咩？
Any肥，呢款三文治係算最正常，用料係「酸青瓜醬➕雞蛋➕菠菜➕吉列雞扒➕紫椰菜」，係一貫的西式又帶點日式的三文治，味道以酸瓜醬的酸甜味為主調，夾雜醬油炸雞扒的咸味，非常正常的口味，硬要說會走路的話，它應該是「會走路的炸雞扒沙律」😇
玫瑰色鮮奶咖啡 $42 （跟餐+$10）
呢杯飲品係夢幻系少女嘅最愛，用黎相機食先絕對非常Alright🥳
基底係「玫瑰花醬➕牛奶➕咖啡➕忌廉➕玫瑰花」，牛奶遇上玫瑰色就自然變成粉紅色，真係靚到爆。
味道飲落去，有清淡嘅花果香，淡淡嘅咖啡味，好香，好適合女生飲住黎食三文治🥪。
男士？我覺得你可以叫返杯正常咖啡，因為你會嫌佢唔夠濃。
我與美食的大合照，真係好澎湃
紅沙冰 $42
我個人覺得你一定要試呢杯飲品，又係一款挑戰人類味蕾嘅佳品。
話說我地有時會飲五青汁，綠色滿滿，呢杯可以叫做「滿江紅」，材料包括「紅甜椒➕草莓➕紅萍果➕檸檬汁」攪拌而成，前調係微辛的紅甜椒味，好搶，跟住就有一陣似奇異果味道嘅酸甜草莓🍓味道，簡直係來回地獄又折返人間，好正，真係必試，無點你🤗 佢個味道真心係好特別
薰衣草洋甘菊花茶 $28
其實女生除左影相之外，都唔好飲咁多凍野，想養生，可以飲呢款花茶，我見現場個個OL都飲熱飲，所以一於試下花茶。
佢個花茶真係超勁嘅薰衣草香氣，暖胃又新清，好鍾意呀😍
飲品又介紹完啦 有興趣就去試下啦
地址 - 尖沙嘴河內道K11藝術博物館商場B2 B226-227號店
张贴
