拉麵天王

营业中

休息中

咁岩黎到黃埔呢邊，食個晏，就拜會下呢間拉麵店啦。 舖面都好大，廚房係扮一個屋台，然後外面仲有位擺返啲雙檯，4人檯，好闊落。 坐底後店員會送上兩杯冰水同落單紙。檯面亦有冰水壺自己添飲。 但我覺得好奇怪，佢拎上黎既係冰水，但檯上加既其實浸住檸檬，而且檸檬味已經相當突出，令連飲兩杯既我覺得好怪點解廚房準備既唔係檸檬水。好似其他拉麵店，麵係根據湯底唔同有幾個選擇。我地分別叫左最基本晚白天王同櫻海老天王。白天王即豬骨湯；櫻花蝦就係係豬骨湯到加櫻花蝦油同櫻花蝦。 有啲啲失望既係只係幾個option, 當時店內亦唔多客，但佢都係落左好多蔥俾我。可能覺得有蔥先好味？🙈🙈🙈個湯唔錯既，唔會好油，飲得落，但唔算係好鮮甜，麵係用幼麵，我地兩個都揀左硬，但依然略嫌偏軟，掛湯力同口感都差左少少。另叫既一份木耳相當大份，可能有平時三哥既3份咁多。紫菜，我覺得唔得，因為已經腍哂，唔係講緊浸住湯個到，而係無浸住個part都係。 相信佢未整之前既存放地方個防潮都應該唔係好夠。 叉燒易散，基本上上黎個到都散散地，味亦偏淡。反而最估佢唔到既係啲櫻花蝦好大隻，咬落似真有肉多過平時好多都好似蝦米仔咁，除左浸湯都唔係點食到。