洛奇冰室 (已結業)

洛奇冰室 地址: 銅鑼灣登龍街28號永光中心地舖電話: 28389866=====================登龍街地面基本上全是食肆，兩旁有不同價位同菜系，有時無訂位就會去碰碰運氣。呢間茶餐廳見新開左工段時間，中午太多人反而未有去幫襯試真章，今日放工去左食晚飯，看能否以納入將來中午食堂名單中見到大隻仔架logo 攪到人好想食肉補充蛋白質，$68 豬扒，煎蛋，午餐肉，跟飯/意粉/薯菜配蒜蓉汁。啖啖肉！$78 三色肉碎蒸水蛋，呢道菜我好鍾意，不過怕膽固醇所以要控制，出街食就放肆下啦，鹹蛋皮蛋加雞蛋，再簡單加上豬肉碎同豉油。$78 欖菜肉碎炒四季豆，因無乜菜，所以同女朋友加多碟餸。晚市仲會有湯及飲品附送。$28 芝士流心西多士，上面是糖漿有牛油，麵包中間夾了芝士，炸完個麵包香噴噴熱辣辣。人均一百多食到3個餸加多份西多當甜品，入冬儲脂肪冬眠的節奏。