牛霸小麵店 (已結業)

今晚同女朋友去灣仔行街，跟住佢話帶我去一間佢之前食過都唔錯嘅台式餐廳，地方非常之隱蔽，如果唔係佢帶路，都真係好難發現有呢一間店紅燒牛肉乾拌麵，牛肉非常之腍，好入味，乾拌麵軟硬度啱啱好，加上青瓜絲，蔥粒，酸菜，非常之好味！木魚炸豆腐，青瓜絲再加濃濃嘅醬汁配上炸脆咗嘅木魚，入面有非常之嫩滑嘅玉子豆腐。口感層次好鮮明，外脆內軟。三色配芋圓，三種顏色嘅芋圓，有番薯，有芋頭，同出面無味嘅嗰 d 無得比，佢真係食得出有好香嘅芋香，番薯味！百香果梳打，非常之香嘅百香果味！今餐我都好滿意，多謝女朋友嘅介紹，下次就到我帶佢去食好嘢