鶴崎居酒屋 (已結業)

鬧市中想揾個地方同好友談心，又想食好，真係唔易，今次去一個話遠唔遠但又有點隱世feel嘅居酒屋。唔想諗太多，直接二人餐，上餐速度控制得幾好，慢慢食。1.磯燒鮑魚爽口，嫩滑，入味，帶有少少甜味，配上酸汁，更鮮美2.刺身足料新鮮，貴精不貴多，厚薄適中有口感，魚同蝦都好鮮，唔沾醬油都已經略有咸香。款色由師傅決定，都係驚喜呢！相信店家都對自己出品好有信心。3.夀司飯量唔多，油金魚、帆立貝、赤身，肉質軟滑，擺盤精緻，延續頭先食刺身嘅餘韻。4.串燒小青椒、雞翼、和牛，時間剛剛好，唔會太乾，保留到肉汁，調味只係輕輕落鹽，帶出鮮味，食物嘅原味一樣令人喜歡。5.牛油果豆腐沙律無諗過牛油果同日式沙律咁夾，清新但口感實在，豆腐又滑，營養同口感都好豐富，同西式做法好大分別，值得一試！6.京蔥雞肉稻庭烏冬、他他魷魚圈清清地，食到呢度已經開始飽，雞肉好滑，魷魚圈炸粉唔厚，好脆，醬輕手d就更好最後由焦糖燉蛋做句號以居酒屋甜品來講，外表好有誠意，香滑又唔太甜，好creamy的口感，面有少少脆，開心！係呢個環境下用餐，加上輕快嘅日文歌，心情特別放鬆，好飽好滿足！連男仔都忍唔住要打卡