池記 (已結業)

今日行過德福，又即管試o下依度間（池記）總結上次係（朗豪坊）俾人趕的經驗，知道唯一對付這些【大陸式】服務的方法就係惡過佢，一於好似係大陸對住D九唔搭八的服務員，下下惡佢等佢知邊個係主邊個係客。結果入去一望，不出所料真係十居其九都係大陸人，個個套制服都著得唔整齊同講不正廣東話，我叫左一碟撈麵加一碟菜，佢話送杯豆漿或薏米水，我話唔要，佢又再大聲D 講係送的，我都話唔要，佢又再大聲D 講係送的不收錢，結果要我好惡問佢，你送的我都唔要得唔得，佢先至無再講。之後，我再叫一碗牛肉艇仔粥，佢又話即係兩樣，我話係。佢又話即係雙拼，我話係，佢又話即係要收多D錢，我又話我知：佢先至同我落單，最慘就係佢不單將一個問題分開幾個問，仲每問一個問題就提高八度聲線搞到成間舖都望實你。至於D食物仲慘，我去過銅鑼灣，旺角的池記九龍灣依度都算係最差，特別係D 粥簡直係味精水，直頭係極濃味精水，食落直頭感到個口即刻乾晒，喉嚨鮍 著鮍 著，我食完碗味精水覺得好唔妥就即刻俾錢走，仲未找錢就覺得口入面出左粒飛滋，其實想想依家D香港消費者真係慘，俾香港既價錢，得到【大陸式】既服務同有味精既食物