重慶劉一手火鍋店 (已結業)

大陸著名連鎖火鍋店喺香港開到成行成市，作為台式火鍋既粉絲，我其實從未試過。在朋友既邀請之下就去一去。屯門鋪都幾大，三個人坐一張角位枱，幾闊落。電視一路播住四大天王「城城」撐劉一手既盛況，見到城城拎到一世免費通行證，城城真係開心，可以日日食麻辣火鍋👍🏻哈哈講返D野食，湯底方便我地叫左小辣既重慶麻辣鍋，小辣都超級辣，淨係聞到都想咳，好正宗！不過我都係鐘意椰子雞湯，幾清甜同滋補。呢度食物選擇好多元化同前衛，有鵝肝又有嗰D影相好靚既密瓜冰。而我比較傳統，打邊爐必須食海鮮，用椰子雞湯淥原汁原味最能夠食出新唔新鮮。order既蟶子、珊瑚蚌同桶蠔雖然價錢唔平，但好彩都幾新鮮👌🏻👍🏻另外食麻辣火鍋又點少得鴨血，鮮香冇鴨躁味，推介；竹笙好爽口，都係必叫；至於響鈴，熱辣辣即炸，忍唔住淺嘗幾件，食多就會膩，兩條岩岩好。最後當然要試下甜品，我地叫左菠蘿沙冰，賣相好靚，原個菠蘿上咁樣。食落都唔錯，唔係藥水味，係鮮果黎，食完打邊爐食返d凍冰冰既沙冰好refreshing。另一個甜品叫紅糖糍粑，嗜甜既朋友非常喜歡。食到好飽，還不錯。