燒肉の殿堂

营业中

休息中

係ig見到人哋食呢一間燒肉の殿堂 和牛竟然係用成個大阪城裝住 超型又特別 今晚即刻預約一試🥰 店內座位都算多 亦有卡位 位置都幾舒服👍🏻食物選擇都幾豐富 除咗燒肉 亦有海鮮 同各款日式小食 醬汁方面有燒肉汁 檸檬岩鹽汁同辣味 我哋今晚就食咗以下食物：大阪城 和牛五點盛合必食推介 一盒有齊特級厚牛舌 和牛磚 和牛五花 和牛肋條同和牛三角🤤 見到已經流晒口水 和牛油脂分布平均 油脂最高嘅係和牛五花 肉味最濃就係和牛三角 一次過可以試晒唔同部位 滿足唔同需要🤩海鮮三點盛分別有大蝦 元貝同埋生蠔 三款海鮮都係重量級好大隻😍 而且全部好新鮮 大蝦肉質彈牙 全部落少少鹽已經非常好食👅殿堂玉子飯燒肉必點嘅飯 加咗雞蛋 紫菜 蔥花同埋飯素 本身已經美味無比 連埋肥美嘅和牛一齊食真係返唔到轉頭🤣炸日式雞皮餃子雞皮餃子真係好邪惡 雞皮燒得香脆無比 仲要點沙律醬實真係非常好食😋燒雞軟骨自己燒嘅雞軟骨可以燒到自己鍾意嘅香脆程度 配搭嘅辣醬亦都好惹味👍🏻雜果賓治有好多水果喺入面☺️檸檬利賓納蘇打好fresh 燒肉必叫蘇打🌟