Jan Jan 串揚專門店 (尊豪坊) (已結業)

芝士番茄雞肉 （串燒）雞肉好嫩滑，中間夾住車厘茄更juicy！面頭仲有勁邪惡既火炙芝士，推介！半熟流心蛋 （串掦）流心度高，炸粉夠薄，略嫌咬落去個時炸粉同蛋分開左，變左好似分開食。炸芝士 （串掦）口感煙煙韌韌，外脆內軟，可能遲左食凍左少少，拉絲效果唔夠顯著。雞肉紫蘇卷 （串揚）炸粉唔厚，口感好鬆脆，入面雞肉依然非常嫩滑，配上外層有紫蘇葉包住，其香氣令雞肉串更有特色！牛吞 （串燒）咬落好驚喜因為真係燒得好有肉汁仲好嫩滑，完全唔韌，配少許檸檬汁更能帶出鮮味，建議加少許山椒同辣粉，味道更惹味。炒麵飯 非常特別，炒麵特登整碎再mix 炒飯，味道其實似大阪燒，口感幾煙韌。蕎麥麵（冷）份量較少，味道不過不失，沒太大驚喜。P.S. 每枱附送椰菜，有助解膩，配上佢地既醬汁，酸酸甜甜，幾開胃。