麻辣風雲 (荃碧大廈) (已結業)

本身踏入食大閘蟹嘅季節都非常想食大閘蟹，見佢有四款唔同口味嘅大閘蟹，清蒸、鹽焗、香辣及黃酒當歸。試咗黃酒當歸嘅大閘蟹，蟹肉充滿黃酒味道，非常好食😋唔使點醋都好有味！連續點咗兩道小食都係麻辣嘅，麻辣海蜇同麻辣鴨腎，除咗辣仲有麻油香味，而且都係好開胃。酸菜魚嘅湯汁調較剛好，魚片新鮮又滑，仲有啲薯粉，整個配搭唔錯！黃金蝦，冇咩特別，都係同市面上一樣用鹹蛋黃做，但冇油溢味，香脆可口！炸饅頭特別在用一條船去上碟，賣相好靚，金黃色，味道不過不失！