影片
更多
2009-10-02
243 浏览
今年好想食大閘蟹，之前幾星期不斷做功課上網搵資料希望可以見到今年大閘蟹既食評。 可惜我搵來搵去都未搵到，可能我唔識搵啦。最後從報紙得知今年第一批大閘蟹會於9月25日左右運到香港上市。 見上年有網友介紹過廣隆行既大閘蟹所以我決定試試。有$100蚊3隻，$180一斤，$240蚊一斤，$260一斤蟹皇同$280一斤的蟹霸。波霸我就聽得多，蟹霸都係第一次聽。我選了$180斤既貨色，店員姐姐問我想要公蟹定雌蟹，我問佢邊樣靚，佢就話兩樣都咁靚。我見佢地賣既蟹大都份係公蟹，而且好似香港人多數愛食公蟹，咁我決定要兩隻公蟹一隻雌蟹。係選蟹過程中店員姐姐幫我選了兩隻公但我發覺細隻左少少，所以我要求換了一隻。當拿雌蟹既時候，佢走左去$240一斤果度拿左一隻，我見個櫃寫住雌蟹，咁我真係唔知係咪所有誰蟹佢地都係賣緊$240一斤。最後3隻蟹合共$150。價錢還包了一舊薑，紫蘇葉，1細支鎮江醋及1包黑糖，很方便呢。因為沒有較剪送，所以我用$10買了一套較剪工貝。由於第一次蒸大閘蟹, 所以問了店員姐姐點蒸，佢話D蟹有4-5兩一隻, 不過我睇似4兩一隻多D，最終參考左佢地卡片背既蒸蟹方法。佢地卡片背連整食蟹時點既醋都有
見上年有網友介紹過廣隆行既大閘蟹所以我決定試試。有$100蚊3隻，$180一斤，$240蚊一斤，$260一斤蟹皇同$280一斤的蟹霸。波霸我就聽得多，蟹霸都係第一次聽。我選了$180斤既貨色，店員姐姐問我想要公蟹定雌蟹，我問佢邊樣靚，佢就話兩樣都咁靚。我見佢地賣既蟹大都份係公蟹，而且好似香港人多數愛食公蟹，咁我決定要兩隻公蟹一隻雌蟹。係選蟹過程中店員姐姐幫我選了兩隻公但我發覺細隻左少少，所以我要求換了一隻。當拿雌蟹既時候，佢走左去$240一斤果度拿左一隻，我見個櫃寫住雌蟹，咁我真係唔知係咪所有誰蟹佢地都係賣緊$240一斤。最後3隻蟹合共$150。價錢還包了一舊薑，紫蘇葉，1細支鎮江醋及1包黑糖，很方便呢。因為沒有較剪送，所以我用$10買了一套較剪工貝。
由於第一次蒸大閘蟹, 所以問了店員姐姐點蒸，佢話D蟹有4-5兩一隻, 不過我睇似4兩一隻多D，最終參考左佢地卡片背既蒸蟹方法。佢地卡片背連整食蟹時點既醋都有教點調出來。
“起動”……第一隻食公蟹，係店員姐姐幫我選的。打開蟹蓋時我即時有少少失望，點解都唔香既? 膏又唔係好爆喎? 咁我同自己講依家可能未合時而且我只係買$180斤可能差唔多啦。除了唔夠香之外，肉都比較少。食完呢隻就食第二隻，今次輪到雌蟹。蒸完出來，有蟹油喎!! 一打開個蟹蓋，嘩!!! 好香，D膏好靚。係喇，呢種就係我心目中既大閘蟹喇! 原來”9月圓10月尖”係冇錯既。D蟹膏好香，好好味，呢隻既蟹肉都多過第一隻公蟹，好正! 學蔡生話齋: “滿足”最後當然係試下我自己選果隻公蟹啦! 打開蟹蓋，呢隻又OK多膏喎，比第一隻好似靚D，唔理咁多食喇。唔知係唔係心理上總係覺得呢隻係自己選既，大隻D，好味D呢，呢隻蟹肉都多。不過，最終結論公蟹同雌蟹冇得比，我鍾意食雌蟹多好多! “滿足” 哈哈!
食完第二隻蟹我已經急不及待去煲薑茶，因為我已經感覺到有D寒氣攻心，可能我本身非常寒底，胃又唔係幾好既關系。我本身好鍾意飲薑茶，但一直唔知原來係冇茶葉既，黑黑地既茶色係來自黑糖。以後就算唔食食大閘蟹我都會再煲薑茶來飲，因為好味又暖胃。正!
送上三隻蟹蓋，祝大家中秋節快樂，身體健康!
张贴
