影片
更多
2022-11-01
250 浏览
利申: 非打手訂購日期： 10月31號（星期一） 入座時間: 7:30pm 訂坐人數: 5位入座前，路經正在品嚐大閘蟹中的其他客人，目測D大閘蟹。。。嘩！咁細隻既🤔心諗，會唔會中伏呢？坐定定後，當然馬上落單叫蟹啦。之後就出去排隊取片皮鴨。。。吓！10幾人排隊，得一位服務員切鴨，等左10分鐘先排到，自己有小小不高興。每人可以取2碟，每碟有5片(皮連肉），但值得讚嘅係，鴨係熱的，而且皮脆，幾好食，又可以成隻燒鴨髀比你的。塊粉皮都係熱的。*呢個片皮鴨( 合格) 食完鴨，跟住就送嚟鮑魚伴百靈菇(一般) ,再嚟金湯小米燴遼參( 唔好太有期待，本人覺得麻麻地)。之後就上大閘蟹，我本身係”公”迷，但頭25隻，一隻公都無，有啲灰，不過算啦，放題就係咁架啦。見到D大閘蟹真係比較細隻，點知一打開，有驚喜喎。。。都算爆羔，隻隻都爆，但有3隻，一打開係黑色既，所以無食到。第二轉，又有驚喜喎，見到有幾隻”公”,又係爆哂。第三轉同第四轉，竟然公多過乸，掂哂👍值得大讚的，就係一班服務員，個個都好有禮貌，好好人，成日埋枱幫你清理隻碟。會提住你，盡情食呀，食得開心啲😉甜品 - 要自取(一般)小食 - 要自取(一般) 差
訂購日期： 10月31號（星期一）
入座時間: 7:30pm
訂坐人數: 5位
入座前，路經正在品嚐大閘蟹中的其他客人，目測D大閘蟹。。。嘩！咁細隻既🤔心諗，會唔會中伏呢？
坐定定後，當然馬上落單叫蟹啦。之後就出去排隊取片皮鴨。。。吓！10幾人排隊，得一位服務員切鴨，等左10分鐘先排到，自己有小小不高興。
每人可以取2碟，每碟有5片(皮連肉），但值得讚嘅係，鴨係熱的，而且皮脆，幾好食，又可以成隻燒鴨髀比你的。塊粉皮都係熱的。
*呢個片皮鴨( 合格)
食完鴨，跟住就送嚟鮑魚伴百靈菇(一般) ,再嚟金湯小米燴遼參( 唔好太有期待，本人覺得麻麻地)。
之後就上大閘蟹，我本身係”公”迷，但頭25隻，一隻公都無，有啲灰，不過算啦，放題就係咁架啦。見到D大閘蟹真係比較細隻，點知一打開，有驚喜喎。。。都算爆羔，隻隻都爆，但有3隻，一打開係黑色既，所以無食到。
第二轉，又有驚喜喎，見到有幾隻”公”,又係爆哂。
第三轉同第四轉，竟然公多過乸，掂哂👍
值得大讚的，就係一班服務員，個個都好有禮貌，好好人，成日埋枱幫你清理隻碟。會提住你，盡情食呀，食得開心啲😉
甜品 - 要自取(一般)
小食 - 要自取(一般)
差不多食完，就發生一段小插曲。
我剛好行去洗手間，回程時聽到一位呀姨(服務員)同一位經理講…”幫我去捉人”……心諗，捉咩人呢？🤔八卦心態驅使下，就用雙眼去”跟蹤”經理啦。
原來，有食客偷偷用個密實膠袋，袋住20幾隻大閘蟹，想拎走，比呀姨發現咗😅😅
唉！生意已經難做，好心呢啲”賊”就尊重下自己啦。
總評分: (5星⭐️為最高)
環境: ⭐️⭐️⭐️
食物( 附送/自取) : ⭐️⭐️
食物(片皮鴨) : ⭐️⭐️⭐️
食物(大閘蟹):⭐️⭐️⭐️⭐️
服務態度: ⭐️⭐️⭐️⭐️⭐️
张贴