酒鍋 (天文臺道) (已結業)

冬天最好就係去打邊爐！今次我就同朋友去到好耐都未食過嘅酒窩。一打開餐單最吸引我嘅就係季節限定嘅酒窩大閘蟹套餐！套餐價每位$568，足足有13款食物非常抵食。餐廳先上前菜鹽燒花螺，海蝦痛主角大閘蟹！！！大閘蟹每隻都有5.5兩重，非常大隻！打開大閘蟹裏便金黃嘅蟹膏幾乎滿寫出嚟！蟹膏將口而且非常鮮甜，而且冇任何泥腥味。火鍋湯底係黃金蟹雞煲花膠湯！喺打邊爐前我哋特登飲咗一碗，味道非常鮮味濃郁，好似食緊蟹黃羹一樣。接着火鍋配料慢慢送上，包括有黃金蟹粉魚皮，手工蟹粉蝦餃，自製留心蟹粉丸，黃金蟹粉響鈴，黑毛豬，蔬菜拼盤，雜菇拼盤等等等，非常豐富。蟹粉魚皮和響鈴全部都係餐廳新鮮炸的，入口非常香脆而且帶着蟹粉嘅鮮甜味！鍾意食海鮮嘅人一定非常喜歡。黑毛豬：黑毛豬嘅油花好似大理石石紋一樣，豬肉非常新鮮味道清而不燥，而且帶有漿果芳香，值得一試。餐廳嘅手工蟹粉蝦餃同自製留心蟹粉丸都非常出色，蝦餃皮薄餡靚！每個蝦餃都有原隻鮮蝦非常足料。蟹粉丸彈牙食得係餐廳手打，誠意十足。希望下年嘅大閘蟹季都有呢個Menu就好啦！