影片
更多
2022-08-29
187 浏览
元朗都有流水蝦食了，朋友一直話想試，是晚就book定枱黎食。食早鳥時段$338一位，有2.5小時任飲任食，價錢都幾親民。第一次食流水蝦，店員講解下點夾蝦，同教用製冰機攞冰做冰桶去凍暈啲蝦，其他食客老馬識途，一埋位就攞冰夾蝦十分熟手，咁我哋都一於照跟啦。自助區有不少種類嘅海鮮提供，全部堆成小山，refill也快，完全唔使搶。第一輪就先試下蠔、鮑魚、扇貝等，全部都好新鮮，燒起上黎鮮味無窮。跟住又燒下肉食先，大部份都已用竹籤串起，方便放入爐嘅下層去燒。豬腩肉燒起上黎真係超甘香，另外推介芝士粟米或者牛油粟米，可以加勁多芝士去拉絲㗎。仲有蔬菜、雜菇、窩夫、蒜蓉包等可以燒，牛油、煉奶同朱古力醬任加，哈哈，太邪惡了。咩都試下後又燒返海鮮，等熟其間又攞下出面嘅熟食、炸物等，個炸鮮奶幾好食，香脆又甜美。飲品方面就有紙包裝、罐裝港式同韓式飲料，另外仲有清酒、梅酒、花茶、冬蔭功湯等，其中最受歡迎係支裝啤酒，見食客密密手去用個開瓶器㗎。飲飽食醉就係時候食埋個甜品，雪糕、雪條、蛋糕仔、杯仔甜品都唔少款，試下最近好多人打卡嘅泰國熊貓雪條先，開出黎個樣同包裝袋一樣，真係好搞笑。加埋一人頭$372一位，都幾抵吖，有得
第一次食流水蝦，店員講解下點夾蝦，同教用製冰機攞冰做冰桶去凍暈啲蝦，其他食客老馬識途，一埋位就攞冰夾蝦十分熟手，咁我哋都一於照跟啦。
自助區有不少種類嘅海鮮提供，全部堆成小山，refill也快，完全唔使搶。第一輪就先試下蠔、鮑魚、扇貝等，全部都好新鮮，燒起上黎鮮味無窮。
跟住又燒下肉食先，大部份都已用竹籤串起，方便放入爐嘅下層去燒。豬腩肉燒起上黎真係超甘香，另外推介芝士粟米或者牛油粟米，可以加勁多芝士去拉絲㗎。
仲有蔬菜、雜菇、窩夫、蒜蓉包等可以燒，牛油、煉奶同朱古力醬任加，哈哈，太邪惡了。
咩都試下後又燒返海鮮，等熟其間又攞下出面嘅熟食、炸物等，個炸鮮奶幾好食，香脆又甜美。
飲品方面就有紙包裝、罐裝港式同韓式飲料，另外仲有清酒、梅酒、花茶、冬蔭功湯等，其中最受歡迎係支裝啤酒，見食客密密手去用個開瓶器㗎。
飲飽食醉就係時候食埋個甜品，雪糕、雪條、蛋糕仔、杯仔甜品都唔少款，試下最近好多人打卡嘅泰國熊貓雪條先，開出黎個樣同包裝袋一樣，真係好搞笑。
加埋一人頭$372一位，都幾抵吖，有得食有得玩，兩個人用一個爐時間都幾充裕，不停燒都食到好多轉㗎。
张贴
