影片
更多
2005-04-12
53 浏览
在這裡與一眾食友聚會的日子非常淺，但越來越多變化，除左基本飯局外，還有不同形式的活動，有空及能力的話一定會參與。繼愚人節處男下海麻甩lunch後，他們第1次在清明節翌日辦早茶聚會，自己亦有份參與。諗唔到唔駛廿分鐘就出到去平時需要9個字時間既中環，時間還是0610，咁早唔通坐係到等開舖咩，於是花了約半小時上一上半山當晨運，好多食店仍未開舖，唯一係蓮香及其對面酒樓已開左，上到去後以一招自動電梯結束，順便du 1 du 2蚊優惠。入門後，侍應已經叫左我入裡面間房，真係醒目，該時已見OT夫妻及snowson小姐係度幫手洗洗的傢私，其他食客陸續到達，便開始叫點心食，總之未食過既都有份，有些還要開二或三。首先黎個三籠叉燒包，熱辣辣，打定個底。底唔夠再黎個大包，都係唔夠，陸續有來。跟住逢未食過就必會在阿姐抱住的大籠內俾我地一掃而空。雞柳筒蝦球、春卷、蛋撻仔、菲菜餃、粉果、荷葉飯、糯米雞，大部份亦入再我懷內，由於屋企人有時有食早飯習慣，對於咁制既飯，一點難度也沒有，差唔可以用奶茶咖啡替代。朝早既味覺仍未訓醒，但已知杏汁鮮奶撻味道十足，不是個個人能夠接受。五鮮釀涼瓜中的五鮮應該有蝦及魚肉，外裡仍然保持應
諗唔到唔駛廿分鐘就出到去平時需要9個字時間既中環，時間還是0610，咁早唔通坐係到等開舖咩，於是花了約半小時上一上半山當晨運，好多食店仍未開舖，唯一係蓮香及其對面酒樓已開左，上到去後以一招自動電梯結束，順便du 1 du 2蚊優惠。
入門後，侍應已經叫左我入裡面間房，真係醒目，該時已見OT夫妻及snowson小姐係度幫手洗洗的傢私，其他食客陸續到達，便開始叫點心食，總之未食過既都有份，有些還要開二或三。
首先黎個三籠叉燒包，熱辣辣，打定個底。底唔夠再黎個大包，都係唔夠，陸續有來。跟住逢未食過就必會在阿姐抱住的大籠內俾我地一掃而空。雞柳筒蝦球、春卷、蛋撻仔、菲菜餃、粉果、荷葉飯、糯米雞，大部份亦入再我懷內，由於屋企人有時有食早飯習慣，對於咁制既飯，一點難度也沒有，差唔可以用奶茶咖啡替代。朝早既味覺仍未訓醒，但已知杏汁鮮奶撻味道十足，不是個個人能夠接受。
五鮮釀涼瓜中的五鮮應該有蝦及魚肉，外裡仍然保持應有的味道，內裡受到蠔油獻汁的影響，一的鮮味也沒有，要扣少少分。麻蓉包夠麻夠甜，俾滿分佢。至於最不起眼既山竹牛肉，反而係眾多的點心中最喜歡的，原因沿用一粒粒的肥豬肉，好多酒樓已經與牛肉混埋一齊攪碎。
經過個半鐘的歡樂時光，又要返到工作單位搏殺。
张贴
