二世祖

营业中

休息中

之前見唔少朋友都推介呢間cafe，我都已經bookmark咗好耐，今次趁出旺角就順便去埋呢間cafe食個lunch～-黑松露什菌忌廉扁意粉黑松露味好濃郁，食落意粉口感彈牙，醬汁好creamy味道剛剛好，成碟食完都唔覺得膩👍🏻-芥末洋蔥醬炸雞窩夫炸雞份量十足，炸得香脆可口一啲都唔油膩🍗 窩夫甜甜地配埋炸雞食，鹹鹹甜甜幾得意🧇-蟹肉薯餅薯餅外面炸得好香脆，咬落裡面非常creamy，食落有濃郁蟹肉味，令人覺得非常滿足😌-失古力心太軟配玄米茶雪糕見到好多人都推介一定要試吓佢哋嘅甜品，我哋本身糾結緊應該揀朱古力味定係抹茶味，見到兩款都好評如潮～最後都係揀咗我最愛嘅朱古力味😆 一切開心太軟，裏面嘅流心朱古力醬流晒出嚟好邪惡呀😈 食落唔係太甜，味道剛剛好，有濃郁嘅可可香味。我哋仲揀咗配玄米茶雪糕，茶味嘅雪糕配埋朱古力，估唔到非常之夾，可以中和一下👍🏻-飲品我哋叫咗熱抹茶鮮奶同非常人氣嘅凍二世祖特濃朱古力。特濃朱古力飲落好似飲緊溶咗嘅朱古力雪糕咁，但味道又唔會非常甜，令人飲唔停口😋 抹茶鮮奶估唔到非常驚喜，抹茶味非常濃郁，建議一定要試試～