壹壹漁一 (已結業)

大角咀平民食肆好多，大部分都價錢又平又好食，而且人唔算多，例如我地今日就去左呢間壹壹漁一，係日本菜，名字聽落好有趣。叫左個火鍋，花膠椰子燉竹絲雞鍋，湯底好濃，奶白色，撈上黎睇都好足料，竹絲雞肉質鮮甜，粟米落鍋更甜。自家製椰菜餃拼自家製韭菜餃，都幾大幾新鮮，皮薄餡多，漲卜卜，落鍋裡慢慢滾，滿足。除左火鍋，仲有串燒食，試左個燒黑豚肉串，烤得好好，外脆內嫩，調味足夠，好濃郁，令人停唔到口！壹壹漁一光線充足，令人坐得舒適，桌又夠大，可以盡情傾計，收工後約朋友小聚，盡情鬆一鬆都唔錯！