醬堡 (已結業)

大角嘴出名多美食同小店，今日lunch就特登過嚟試試同事推薦嘅漢堡店。醬堡店面格調清新以白色為主，座位不多但地方整潔舒適。我地就叫咗二人份量嘅商務午餐，包括有沙律、配菜、2個BBQ醬手打牛肉漢堡、2瓶自家製冷泡茶，非常豐富，而且價錢合理。其中，配菜我揀咗蕃薯條，而漢堡亦加咗我最愛嘅水牛芝士🧀🍔 除咗商務套餐之外，佢哋仲推出左沙律套餐同夏日消暑限定香橙沙律🥗，仲可以加配香煎雞扒或和牛漢堡添呀，選擇非常多總有一款啱你～-漢堡係即叫即製嘅，夠曬新鮮。漢堡裡面嘅手打牛肉好厚肉，肉質唔會鞋，食落非常多汁好juicy🐮 BBQ醬汁亦好惹味，同牛肉好夾。最驚喜係外層嘅包食落竟然好脆口，帶點焦香味，味道仲帶點甜甜地幾特別👍🏻-配菜方面，蕃薯條炸得香脆可口，食落一啲都唔油膩，味道帶有番薯嘅香甜又有薯條嘅質感，食到停唔到口呀😋🍠 而沙律份量都幾多，有雜菜同蕃茄片，而醬汁就係油醋汁，食落清新解膩🥗-飲品方面都有好多選擇，有汽水、果汁、冷泡茶、咖啡等，款式包羅萬有。我今次就試咗佢哋自家釀嘅伯爵紅茶冷泡茶，紅茶十分解膩，果然係健康嘅不二之選。