影片
更多
2022-06-25
31 浏览
講到食馬來西亞菜，大家可能會諗起四個字嗰間都好真係好出名，仲有好多分店添。今日嚟到大角咀試呢間，估唔到咁好食好有驚喜，個人覺得好食過開咗好多分店嗰間🤣價錢又唔貴份量有超級足，環境舒適店員嘅服務態度都好好👍🏻🍴南洋鮮油燒麵包 $34 (9/10)多士好香脆鬆化，有咖央，厚厚嘅牛油同埋砂糖，甜度真係啱啱好唔會太甜，甜甜地，好香好邪惡，好有南洋風味，好好食！記得要新鮮食，淋咗就冇咁好食㗎啦！🍴砂煲老鼠粉 $78 (9/10)個份量多到可以三四個人share🤣狗仔粉比較淋，少少煙韌，好易入口，有好多肉碎，炒得好香口乾身，濕度啱啱好，啲魚乾好香口惹味，味道真係好香口，鹹鹹香香！真係一碗一碗食到停唔到口！個人真係好鍾意呢個😋🍴一字骨 $56 (8/10)有藥材味但唔算好濃郁，啱啱好唔會太苦，藥味同肉味都好夠。用咗排骨，肉質唔會太鞋，食到肉同骨嘅筯，肉質好淋好入味。朋友真係超級鍾意飲個湯，飲咗四碗，店員都加咗好多轉，服務態度好好，個湯係免費任加嘅㗎！🍴怡保芽菜雞 (黄薑飯) $68 (8/10)啲雞同個飯嘅份量都真係好足料！用咗珍珠米，黃薑飯幾香口，有薑味，唔會太濕，雞嘅話有雞髀肉又有雞胸，分得好平
🍴南洋鮮油燒麵包 $34 (9/10)
多士好香脆鬆化，有咖央，厚厚嘅牛油同埋砂糖，甜度真係啱啱好唔會太甜，甜甜地，好香好邪惡，好有南洋風味，好好食！記得要新鮮食，淋咗就冇咁好食㗎啦！
🍴砂煲老鼠粉 $78 (9/10)
個份量多到可以三四個人share🤣狗仔粉比較淋，少少煙韌，好易入口，有好多肉碎，炒得好香口乾身，濕度啱啱好，啲魚乾好香口惹味，味道真係好香口，鹹鹹香香！真係一碗一碗食到停唔到口！個人真係好鍾意呢個😋
🍴一字骨 $56 (8/10)
有藥材味但唔算好濃郁，啱啱好唔會太苦，藥味同肉味都好夠。用咗排骨，肉質唔會太鞋，食到肉同骨嘅筯，肉質好淋好入味。朋友真係超級鍾意飲個湯，飲咗四碗，店員都加咗好多轉，服務態度好好，個湯係免費任加嘅㗎！
🍴怡保芽菜雞 (黄薑飯) $68 (8/10)
啲雞同個飯嘅份量都真係好足料！用咗珍珠米，黃薑飯幾香口，有薑味，唔會太濕，雞嘅話有雞髀肉又有雞胸，分得好平均！皮好淋好香雞油味，雞嫩滑有雞味，雞皮都好滑🤩底下佢白芽菜青瓜都好爽口，解膩。真心足料又好食！
🍴美祿恐龍$28 (9/10)
美祿好香濃，有好多美祿粉，欣賞佢甜度啱啱好，唔會太甜。
🍴桔仔話梅水 凍 $25 (8/10)
真係有一粒話梅，酸酸甜甜，幾清新解膩。
推薦指數:9/10
真心覺得有誠意過兩個字疊字嗰間，嘢食好食價錢唔貴又大份。另外一間一食完俾人趕走😂😂服務態度好好，但店員好積極架湯收碟，唔會催冇趕你走，可以慢慢食傾吓計。真心推薦食馬來西亞嘢可以去大角咀呢間食，個人覺得都高質過對面星洲總廚添😂利申食完唔口渴，冇味精👍🏻
张贴
