Wine Table

营业中

休息中

幾個女仔放工無嘢做，行過見到新開，又想chill吓就入咗去試，老闆好好人見我哋唔係太識紅酒就介紹咗幾款比我哋揀，又介紹咗啲菜款比我哋。個魚真係超驚喜，用立鱗燒嘅方法整魚鱗酥脆，肉質鮮嫩。火焰燒春雞又係一場表演，上枱一刻會再點火，唔會燒到太乾又保持肉汁，切開原來入面仲有紅蔥頭、洋蔥，吸收埋雞嘅肉汁攪到我哋連配料都食埋。威靈頓牛柳喺其他地方都試過，依度屬於比正常水平略高，金黃色酥皮非常酥脆、又能保持牛肉肉質嫩滑，時間控制得非常之好，唔會過熟。