BTB - Better Than Burger (富多來商場第二期) (已結業)

上網見到social media 介紹 專登山長水遠過黎試個冬甩漢堡 位置方面 都唔係好遠 搭到奧運站行十分鐘內到 去到鋪頭睇得出設計上有少少心思 簡簡單單。 有點美足不足既係menu 講解得唔係太仔細 未知入面有咩配料 不過order 時候 店員都有講解到入面有咩配料一早包左入面。 今次叫左漢堡一定要試既牛肉 放係menu最上 仲唔係推介😂😂 牛肉幾juicy 咬落去啲肉汁爆哂出黎 好彩張紙幫我擋住 唔係都成身污糟哂 咬落去個包到 啲醬係冬甩個窿爆出黎 食到有啲不知所措 但橙橙地色既漢堡醬 食落甜甜地 有少少芥辣味 幾開胃 不過建議下次可以少啲醬 個窿爆出黎既醬 都整到成咀都係不得不提呢間鋪頭既特色 冬甩包 相比我地食開既漢堡包 冬甩口感幾軟 同burger幾襯 加上佢外面有輕輕㷫熱過個包 有少少脆 真係同網上一樣 外脆內軟 食落幾得意今次淨係試左個包 但睇得上老闆既心思 同埋味道都唔錯 下次會試下佢啲特色包 btw 海鮮敏感 希望下次有機會食到其他特色包