好姐永安粿條

营业中

休息中

聽大角咀街坊推介，好多人都讚呢間係飯堂，一定要每星期食一次，小妹心諗：咁誇張？！店舖門面唔起眼，環境細小，座位唔多，但客人駱驛不絕，大部份都係叫外賣，原來係外賣有九折！😋 招牌活肉粿條 ~ 第一次食活肉，初初以爲係牛肉，但原來係豬嘅面頰部位，長知識了。活肉肉質鮮嫩，好香肉味，配埋特製豉油同福建出產的黃椒，辣度分明，令食物更香更有層次！😋 好姐精選粿條 ~ 即係雜錦有豬心、豬脷、豬頸肉、豬耳、豬鼻、鵝腎等等，每一款都滋味無窮！粿條就好似再闊身少少嘅河粉咁，但一d都唔油膩，又薄又滑，煙煙韌韌有口感，而豬骨湯底亦都好鮮甜，食到最尾係成碗湯飲晒 🤣🤣 完全明白點解係街坊必食推介！👍🏻👍🏻