二世祖

营业中

休息中

作為大角咀街坊，區內有咩好野食點可以吾知，想當年二世祖剛開張，已經嚟過一探究竟，當時被個特濃朱古力驚艷到，至今念念不忘。可惜二世祖長期人龍，想有位都吾容易。今日遲收工，經過竟然見到high table有兩個位，真係不容錯過啊，即刻入來食～特濃宇治抹茶白朱古力($48)之前試過特濃朱古力，今日就試埋個特濃抹茶白朱古力，每日自家人工手製，抹茶嘅微澀同白朱古力嘅香甜中和，非常match又吾會過甜。特別系口感非常濃郁，果然系真材實料。美國安格斯肉眼配紅酒汁($278)分量超慷慨嘅肉眼扒，大大舊兩個人分享夠曬，而且肉味濃郁，外面微焦，裡面粉紅鮮嫩，我就中意吾點汁就咁食，更可以食到新鮮嘅牛味。大大塊牛扒下面，仲隱藏住海量蔬菜，包括薯仔、長豆、番茄、原隻香蒜，營養好均衡～二世祖特濃卡邦尼意粉($108)一向都中意食卡邦尼，哩碟就超cheesy，上面鋪滿培根，焦香酥脆，同意粉一齊，口感豐富。記得趁熱最好食。白酒藍青口配法包($88)哩個價錢有咁多粒青口真係性價比之王，白酒帶出青口鮮味，再用個法包點埋個白酒汁，吾錯～