二世祖

呢間餐廳要預先book位，因為當日其他客人walk in 已經無位。預約左六點真係六點正先可以入得，十分嚴謹。

餐廳裝修簡單，小店經營。由於近期政治問題，都比較多人幫襯支持。

叫咗招牌明太子櫻花蝦配青瓜絲扁意粉，意粉份量都幾多，煮得剛剛好。醬汁夠creamy，櫻花蝦幾香，夾埋青瓜絲感覺幾清新，唔會太「濟」。

另外叫咗辣肉腸pizza，呢度啲Pizza幾好食，新鮮熱辣辣整起，辣肉腸餡料夠多，而且好香。

片皮鴨刈包，幾特別。片皮鴨夠醬汁，啖啖肉，夾埋個包食幾好食。