麥金.麥金馬來西亞特式茶啡室 (已結業)

呢间麦金.麦金之前已经食过一次，今次再黎试下唔同既野食，冬天嗌翻个肉骨茶，饮完暖笠笠好正😌饮完店员仲会好主动问你需唔需要加～ 1️⃣马来辣椒板面（$58） 拌匀辣椒粉、花生粒、花生碎、江鱼仔、肉碎、猪油渣，仲有重点温泉蛋😍面系偏幼身白面，份量几多。  2️⃣娘惹叻沙（$68） 叻沙汤底浓厚，有虾、鱼片、豆卜、蛋，同埋好多好多既洋葱丝！面底可以自选，可以拣掺掺！  3️⃣一字骨（$62） 肉骨茶药材味好香，热住上，冬天饮啱晒！最正系可以任添😌  4️⃣秘酱玻璃鱿鱼通菜（$78） 马拉菜一定要嗌炒通菜吧😗带轻微辣劲，加上鱿鱼，好食！  5️⃣泰式炸虾饼（$48） 炸虾饼有四件，配上泰式甜辣酱🌶️  6️⃣香蕉鲜牛奶（$34） 淡淡既香蕉味，饮得出唔系香精味，饮落去系舒服既香蕉奶味～  7️⃣椰汁斑兰冰（$28） 清凉可口🍃好解渴！