Restoran SAYA

营业中

休息中

連續三年米芝蓮必比登推介嘅Restoran Saya大角咀分店，夜晚生意真係唔錯，坐無虛席，室內光線較暗，入夜都幾有情調，湖水綠主色調同泰式擺設，令氛圍幾突出泰國特色。 一坐低就先上咗泰式芒果柚子沙律，芒果切得好細粒，保持爽口嘅口感，微酸帶甜，加上魚露同辣椒粉嘅惹味調味。仲有沙嗲雞串，三大串雞肉燒到微焦，外層香口，入面仲保持嫩滑多汁，啖啖肉，配埋花生醬.主食方面我哋點咗泰北咖喱金麵配燒雞同蟹肉炒飯。金麵個湯底好香濃，椰香加咖喱香味道層次好豐富，麵條有炸脆麵同埋滑滑嘅蛋麵混喺一齊，食落口感好特別；雞件燒到好香同保持嫩滑.蟹肉炒飯粒粒分明，又冇油膩感，仲有大大塊鮮甜蟹肉，香氣十足。 菜式方面試咗飛天炒通菜，爽口翠綠，蒜香同辣味啱啱好，好惹味。飲品揀咗椰青，冰凍清甜.生日版芒果糯米飯蛋糕，賣相討好，芒果好鮮甜，糯米軟冧又帶淡淡椰香，食得好滿足。