老掌櫃東北菜館 (已搬遷) 新店位置

今日一班人打完波就提議左去大角咀食京菜, 我地8半左右到, 全場爆滿, 今晚我地一行八人叫左片皮鴨,比起之前北京樓食, 佢既皮反而冇咁油膩, 連埋肉食落去,感覺好好多,乾煸 四季豆大大碟好夠味, 醋溜土豆絲,酸酸地夠特別,土豆絲都好爽, 水煮牛雖然睇落好落, 但食落又冇口水雞咁勁, 少少麻, 牛肉都好嫩, 而且仲有麻薯粉係底, 都好惹味,口水雞, 口水雞好夠辣同夠味, 雖然我唔係好食辣, 但都可以食到, 總結今晚餐飯都唔差, 而且因為有啲食得辣既朋友, 所以就食到一啲平時冇叫的餸. 最後叫左高力豆沙同豆沙鍋餅, 高力豆沙係每個叫, 適合個人需要而且勁大隻, 不過豆沙就唔太多,豆沙鍋餅都夠熱,有印度薄餅feel, 食多一塊都唔覺好甜.每人百一蚊, 抵食