二世祖

营业中

休息中

大角咀原來都幾多野食，今次就試左二世祖！小食叫左蕃茄忌廉勁多蝦雲吞杯同香蔥蟹肉鵪鶉蛋多士，雲吞杯炸得脆而企身，加左配料都唔會話淋晒，而且都幾滿，勁多蝦真係唔係講笑😂 香蔥蟹肉鵪鶉蛋多士其實係幾惹味，香蔥蟹肉都幾香同分量幾多，驚喜位係鵪鶉蛋去煎度有脆邊，係加分。而且多士脆但唔乾，雖然佢個樣唔算太fancy，但係幾好食。主菜我地就試左蒜香牛油帶子扁意粉同墨汁龍蝦海鮮意大利飯。帶子都幾大粒，而蒜味都濃同意粉都好Al dente。墨汁龍蝦海鮮意大利飯勁大份，好似食極都仲有咁，而且煮得唔會話太爛太淋，都幾rich。飲品我地試左期間限定既宇治抹茶白朱古力奶，好厚身唔會話得個死甜味，抹茶味都好出，同埋好大支，一個人飲係個飽個種😂 二世祖特濃朱古力就試左熱，朱古力味幾濃同幾滑，試下熱都唔錯！