影片
更多
2023-08-11
27 浏览
鍋 MW Korea House📍大角咀埃華街72號地舖家住大角咀嘅朋友前排同我分享，話佢屋企附近開咗間新嘅韓國餐廳，裝修簡潔，食物好夠韓，於是我哋相約多一位朋友，三人行到店試試！呢間餐廳喺深水埗都有分店，主打飯麵類主食，我哋朋友食過都大讚好味。今次嚟到呢間叫「鍋」嘅餐廳，顧名思義就緊係要食佢主打嘅鍋物啦，店主強調所有醬料皆為自家製品，全部不加味精，令人食得放心！ 💰$368海鮮部隊鍋 🍲好多年前曾有一股韓式部隊鍋熱潮，嗰時我都食過一兩次，估唔到今次嚟到會食到呢個頗正宗嘅韓式海鮮部隊鍋。裏面嘅材食材大概有鮑魚、鮮蝦、蜆、魚糕、豆腐、香菇、午餐肉、茄汁豆、泡菜同大豆芽。湯底係餐廳用自家製醬汁製成，比一般食嘅韓國紅色辣湯清淡，唔會過鹹過辣，無加味精，所以即使飲湯都唔會覺得口渴，好抵讚！眾多食材當中，我特別鍾意豆腐、魚糕同鮮蝦，因為佢嘅豆腐好滑身，滾耐咗都唔會散晒。而魚糕就有兩種款式，兩款魚肉都好香好彈牙，加上好索湯，所以好入味。而鮮蝦係原隻連殼放湯煮，蝦肉新鮮彈牙，吸滿微辣嘅湯汁，好食！食到咁上下，可以加入韓式即食麵，粗身麵質特別掛湯，推介大家一定要咁食！如果驚吸麵嘅時候會唔小心彈到，咁大
📍大角咀埃華街72號地舖
家住大角咀嘅朋友前排同我分享，話佢屋企附近開咗間新嘅韓國餐廳，裝修簡潔，食物好夠韓，於是我哋相約多一位朋友，三人行到店試試！呢間餐廳喺深水埗都有分店，主打飯麵類主食，我哋朋友食過都大讚好味。今次嚟到呢間叫「鍋」嘅餐廳，顧名思義就緊係要食佢主打嘅鍋物啦，店主強調所有醬料皆為自家製品，全部不加味精，令人食得放心！
[價錢 Price]
💰$368
海鮮部隊鍋 🍲
好多年前曾有一股韓式部隊鍋熱潮，嗰時我都食過一兩次，估唔到今次嚟到會食到呢個頗正宗嘅韓式海鮮部隊鍋。裏面嘅材食材大概有鮑魚、鮮蝦、蜆、魚糕、豆腐、香菇、午餐肉、茄汁豆、泡菜同大豆芽。湯底係餐廳用自家製醬汁製成，比一般食嘅韓國紅色辣湯清淡，唔會過鹹過辣，無加味精，所以即使飲湯都唔會覺得口渴，好抵讚！
眾多食材當中，我特別鍾意豆腐、魚糕同鮮蝦，因為佢嘅豆腐好滑身，滾耐咗都唔會散晒。而魚糕就有兩種款式，兩款魚肉都好香好彈牙，加上好索湯，所以好入味。而鮮蝦係原隻連殼放湯煮，蝦肉新鮮彈牙，吸滿微辣嘅湯汁，好食！
食到咁上下，可以加入韓式即食麵，粗身麵質特別掛湯，推介大家一定要咁食！如果驚吸麵嘅時候會唔小心彈到，咁大家可以放心，因為餐廳好貼心咁為食客提供圍裙，仲可以著住打卡，幾特別！
[價錢 Price]
💰$78
炸雞半份 🐓
呢度嘅炸雞同一般嘅韓式炸雞唔同，佢無沾滿厚厚嘅炸粉。炸雞雞肉嫩滑，但本身調味唔重，建議點佢配上嘅甜辣醬或部隊鍋嘅湯汁嚟食。
[價錢 Price]
💰$78
紅薯芝士條 🍠🧀
一盤有8條紅薯芝士條，每條大小粗幼相若，外皮脆醬有啲香料調味。呢個小食一定要趁熱食，因為佢仲熱嘅時候係可以拉到好長嘅芝士絲㗎！佢嘅餡料味道鹹鹹甜甜，芝士鹹紅薯甜，食落有啲似軟身年糕嘅口感，適合多人分食。
[價錢 Price]
💰$45
士多啤梨牛奶沙冰 🍓🥛
飲品方面，我叫咗我最愛嘅strawberry smoothie，用QR code落單時可作個人化選擇，例如多奶、少冰、走甜等。我呢杯嘅奶味唔算重，食到士多啤梨籽，冰亦好細滑，解辣解膩必點！
张贴
