蟹膏甲羅燒 $68
甲羅燒一上枱已經勁香，師傅仲預備咗飯糰用黎點蟹膏食。濃郁甘香嘅蟹膏撈埋蛋黃漿一齊食實在係令人欲罷不能。
酒焗智利青口 $40
青口鮮味仲有淡淡嘅酒香，連墊底嘅洋蔥都吸收哂青口同酒汁，清甜多汁。
燒荔枝黑豚串 $23
呢款串燒非常特別，用黑豚肉卷住荔枝肉去燒，一咬落去荔枝爆汁，香甜嘅果肉同黑豚肉非常夾，仲令到成件事冇咁油膩。
燒熊本霜降一口牛串 $26
霜降牛肉粒好腍，入口冇渣，牛味香濃仲充滿油香。
燒多春魚 $19
多春魚燒到好脆身，非常之香口。
北海道馬鈴薯豚肉餅 $21
成個薯餅炸到好金黃香脆，用咗北海道馬鈴薯，薯餅入面嘅餡料好creamy。
汁燒原隻魷魚串 $18
個醬汁好惹味，魷魚燒得岩岩好，口感爽彈，唔會燒得太乾身。
燒原隻大啡菇 $23
大啡菇水嫩多汁，好香菇菌味。
另外仲叫咗其他串燒，好似有
-燒牛舌 $26
-燒金菇肥牛卷 $19
-燒蒜心 $15
-燒娃娃菜 $15
-燒翠玉瓜 12
喺餐牌入面，竟然仲俾我見到兩款甜品燒，當然第一時間落order。
燒莎莉蛋糕 $17
莎莉蛋糕本身已經好食，燒過之後外邊變得香脆，有d似烘多士咁，但入面仲係綿密蛋糕，雙重口感非常特別。
日式吉士今川燒 $15
另一款係今川燒，香軟窩夫皮包住幼滑吉士餡，都唔錯。
p.s. 如果唔食得辣嘅話可以同師傅講聲辣粉可以落輕手d
。
。
Hungry B (大角咀)
大角咀晏架街4號麗華中心地下3B號舖
。
。
