魚旨 (已結業)

今日下晝同班波友係大角咀打完波，本身諗住落旺角吉串魚蛋，煎釀三寶，點知攞車果時見到哩間壽司外賣店，心郁郁又肚餓就走左去買幾件🤤叫左1客火炙三文魚腩，1客火炙左口魚裙邊，再加1個軟殼蟹手卷！三文魚腩夠哂肥美大件厚肉，燒到金黃色剛剛好，左口魚裙邊就夠新鮮，一咬落去d油香必哂出黎，入口即溶👍🏼👍🏼軟殼蟹手卷好足料，隻蟹又大隻又香脆，食到落去原來仲加左蟹柳，d料仲多過d飯👍🏼仲有就係d壽司飯都好正，好岩我口味，如果唔係約左女朋友食晚飯，一定返轉頭再叫多幾件🤣價錢方面總共$62 ，咁嘅質素抵啦😎下次一定會再揸車過嚟買多d返屋企食🤤🤤