老掌櫃東北菜館 (利奧坊)

营业中

休息中

第一次喺大角咀試呢間餐廳老掌櫃。呢間嘢都好多人排隊不過好都可以入到入去坐。今次好簡單就咁嗌咗一碗秘製牛犇麵，佢哋上菜速度都算快，只係等咗十分鐘左右。碗面上咗嚟睇落去其實份量就中中挺挺，唔似佢個名咁有特別多牛，不過其實份量都算合格嘅。碗面上枱就聞到特別香嘅牛肉味，好好奇佢哋既湯底究竟淆咗幾耐。飲一啖湯特別香濃，但係又唔會特別咸，唔會話飲完就覺得好口渴。佢啲牛腩都好淋，唔會話特別難咬，裏面鎖住曬啲肉汁，咬落去好有牛香味。啲面爽口彈牙，食落去都好滑，一啖湯一啖麵，簡直係絕配。喺大角咀44蚊食到呢碗麵其實都算係咁，整體嚟講都算有質素嘅平價餐廳。